burger

İrina Vereşçuk Şulhınkada zemaneviy hızmet mıntaqasını ziyaret etti

Опубліковано 13 December 2021 року, о 18:14

Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk ve Lugansk vilâyeti develet memuriyetiniñ başı Sergiy Gayday, Lugansk vilâyetindeki Starobilsk rayonınıñ Şulhınka köy şurasınıñ «Yañı köy» içtimaiy iş birligi merkeziniñ işini teftiş ettiler.

Mezkür «Yañı köy» biznes-içtimaiy leyhası, Ukraina Prezidenti Volodımır Zelenskıynıñ teşebbüsidir.

«Şulhınkadaki «Yañı köy» leyhasınıñ yerine ketirilüvinen pek memnünim. «Yañı köy» programmasınıñ ilk 1600 astyapı leyhasınıñ tamam mında kerçekleştirilmesi pek müimdir. Ukrain köyni ğayrıdan yaratması içün iş yerlerini yaratmaq ve astyapını yañından tiklemek, memuriy ve içtimaiy hızmetlerge tez irişimni ve oñaytlılıqnı temin etmek kerek. «Yañı köy», devlet ve yerli ükümetleri, biznes ve cemaatnıñ iş birliginiñ yañı formatınıñ misalidir. Kelecek, hususiy-devlet ortaqlığındadır», – İrina Vereşçuk dep haber etti.

Böylece, Şulhınkadaki yañı qurulğan komplekste zemaneviy İdare hızmetler merkezi (İHM), toplaşuv zalı, trening zalı, online-kitaphane, robot-tehnikası zalı vb. çalışmaqta. Cemiyet, içtimaiy ve medeniy tedbirlerni keçirmesi içün oñaytlı yerlerni berüv vastasınen cemiyetniñ astyapısını pekitmesi içün oñaytlı şaraitni yaratması içün yañı hızmet mıntaqası çalışa.

Montaj işleri ve modullerniñ toldurıluvı 5 ay devam etti. Obyektniñ leyha fiyatı ise 20 mln grivna oldı.

«Biz tek güzel bir bina degil, mında oquğan balalarnı, insanlarnen çalışmağa ve özüni işke bermege azır olğan ustazlarnı da kördik. Biz, yaş bir ülkemiz ve kim olğanımıznı ve qayda ketkenimizni añlamaq içün daa çoq şey muzakere etmek kerekmiz», – İrina Vereşçuk dep bildirdi.

Bundan ğayrı, Şulhınka cimetiniñ başı Natalâ Petrenko, böyle hızmet mıntaqası açılğan soñ vaqtınca işğal etilgen topraqlarda yaşağan ve «Yañı köyge» köçmege istegen insanlarnıñ çoq mektübiniñ kelmege başlanğanını ayttı.

İrina Vereşçuknıñ fikrine köre, tamam böyle cazibeli territoriyalarnıñ yaratıluvı, yaşayış keyfiyetiniñ yükseltilüvi, kontrol astında olmağan topraqlarda yaşağan insanlarnıñ añı içün köreşte bizge yardım etecek