2021 s. dekabr ayınıñ 13-ünde Lugansk vilâyetine iş ziyaretiniñ ilk kününiñ soñunda Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk Severodonetsk şeeri bala ve yaşlar yaratıcılığı merkezini ziyaret etti.

«Bugün mında bu balalane, olarnıñ yüzlerine baqıp pek quvanam. Çünki anda bizim kelecegimizni körem. Güzel kelecegimizni. Barışıq kelecegimizni. Belki barışıqnı bala yaratıcılığından iç bir şey daa yaqın ketirilmey. Bütün zorluqlarğa baqmadan olarnıñ balalarımıznı yaratmağa ögretmeleri içün Bala ve yaşlar yaratıcılığı merkeziniñ kollektivine teşekkür bildirem. Şimdi bu pek müimdir. Bu tamam mında Lugansk vilâyetinde pek müimdir», – Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk dep qayd etti.

Vitse-baş nazir İrina Vereşçuk daa Severodonetsk şeeri bala ve yaşlar yaratıcılığı merkeziniñ talebelerge: «Siziñ yaşıñızda olğanda men de böyle mektenten tış müessiseni, amma Ukrainamıznıñ başqa soñundaki, Lehistannen sıñırda yerleşken Ravi-Ruskadakini ziyaret ete edim. Men bütün ustazlarımnı pek yahşı hatırlayım. Yetişkenler olacağıñız vaqtında bu Merkezni ve öz usatzlarıñıznı samimiy tarzda hatırlaycaqsıñız. Ögretkeniñiz şeyley sizge yahşı insanlarnı olmağa yardım etecek» dep muracaat etti.

Binanıñ ve Merkez etrafındaki territoriyanıñ ciddiy şekilde yañartılğanını qoşamız. 2016 ve 2021 seneleri arasında sanitariya qavuşaqları, oquv odaları, horeografiya zalları, resim odaları tamir etildi ve binanıñ territoriyası etrafında çit tikildi. Territoriyada tahtа köşüknen etno medeniy meydançıq quruldı ve yeşillendirüv kerçekleştirildi.

Qoşma malümat: Severodonetsk şeeri bala ve yaşlar yaratıcılığı merkezi, yaş yerlilerge mektep tış tasilini bermekte, balalar ve yaşlarnı bediiy-estetik, gumanitar, içtimaiy-reabilitatsiya, sport ve başqa türlü tedbirlerine celp etmekte. Tögereklerde, klublarda, studiyada ve icadiy birleşmelerde 4 ve 25 arasında yaşındaki 1200 oğlan ve qız öz ögrenüv, mahsus ve icadiy qabiliyetlerini inkişaf ettirmekte ve kerçekleştirmekte. Merkezniñ otuz pedagogik hadimleri, 78 çeşit oquv gruppalarını alıp barmaqta. Umumen merkezniñ teşebbüsi yardımınen 10 biñden ziyade yaş Severodonetskli er yıl açıq konkurslar ve yarışlarda iştirak ete.