2021 s. dekabr ayınıñ 15-inde olğan Merkezni taqdim etkende Ukraina milliy barışıq inkişafı merkeziniñ Müdiri vazifesini vaqtınca icra etken Oleksand Smırnov bunı qayd etti.

«Şimdi Merkezniñ muayyen olaraq tesbit etilgen vazifeleri bar, olarnıñ arasında devlet közetüv ve insan aqlarınıñ bozulmasını vesiqalaştıruv ve halqara gumanita aqqı sistemasını yaratmaq, silâlı tecavuz neticesinde hususiy ve uquqiy şahıslarğa zarar bermesini qayd etmektir. Ekincisi ise Merkez, bir birini añlama ve telükesiz bir dialog içün telükesiz bir meydançıq olmalı. Pek müim ki, zarar körgen insan mına kelip, öz vaqiasını, aqlarınıñ bozulmasını, bazıda facialarını da qayd ete, vesiqalaştıra bilecek»,- dep Oleksandr Smırnov bildirdi.

Onıñ sözlerine köre, Merkezniñ teşkil etilmesi, em barışıq inkişafına, em de uquq qorçalav toplulığına dair 200-den ziyade ekspert ve mütehassısnı taqdim etken içtimaiy cemiyetnen devlet sektorınıñ ortaq devamlı bir işidir.

«Bu azırlıqlar er kün pek keniş bir kontekstte yapıla edi. Tecavuz neticelerini aşmağa yardım etecek o aletlerni yahşılaştıması içün bizge çalışma vazifelerini yükleymiz. Ve bu işniñ semereli neticelerini ketirecegine eminmiz», – dep Smırnov hulâsa çıqardı.

Qoşma malümat. «Ukraina milliy barışıq inkişafı merkezi» devlet şirketi, Ukraina milliy telükesizlik ve mudafaa şurasınıñ 2021 s. iyün ayınıñ 2-sindeki «Donetsk ve Lugansk vilâyetlerinde vaziyetniñ barışıq yolunen çezilmesi esnasınıñ faalleştirilüvi bazı meseleleri aqqında» qararınıñ 6 maddesiniñ 1 ast maddesini yerine ketirmesi maqsadınen Ukrainanıñ vaqtınca işğal etilgen topraqlarınıñ reintegratsiya meseleleri nazirligi tarafından teşkil etildi.