Lısıçansk territorial cemiyetiniñ meskün yerlerinde ve Popasna şeerinde «Leleka» adlı bala reabilitatsiya merkezinde Ukrainanıñ vaqtınca işğal etilgen topraqlarınıñ reintegratsiya meseleleri nazirligi, mina telükesizligi qaideleri aqqında malümat-añlatıcı işini keçirdiler.
Lısıçansk territorial cemiyetiniñ 4 qasabasında, bu cümleden Bilogorivka, Lısıçansk, Vovçoyarivka, Mırna Dolına meskün yerlerinde Reintegratsiya nazirliginiñ Reintegratsiya ve gumanitar minasızlaştıruv direktoratınıñ hadimleri orta tasil oquv yurtlarını, ve Popasna şeerinde «Leleka» adlı Bala reabilitatsiya merkezini ziyaret ettiler.
5-9 sınıflarnıñ telebeleri, mina ve başqa patlayıcı şeylernen bağlı vaqialardaki özüni tutuv qaidelerine dair malümat-añlatıcı lektsiyalarınıñ diñleyicileri oldılar. Yazıq ki, balalar er vaqıt özüni tutuv qaidelerine riayet etmeyler, ve Reintegratsiya nazirliginiñ hadimleri tamam buna diñleyicilerniñ diqqatını celp ettiler. Bunıñ içün, talebelernen çalışqanda patlayıcı şeylernen bağşı vaqialarda özüni tutuv qaidelerini doğru tarzda şekillendirmek pek müimdir.
Tedbitler vaqtında Ukraina tasil ve ilim nazirliginiñ Tasilniñ mindericesini modernleştirme instituti tarafından tasdıqlanğan oquv materialları qullanıla edi. Lektsiya bitkende mekteplerde tarqatması içün Reintegratsiya nazirliginiñ hadimleri bu mevzulı oquv maletiallarını berdi.
Ukrainanıñ vaqtınca işğal etilgen topraqlarınıñ reintegratsiya meseleleri nazirliginiñ, er vaqıt mina ve patlayıcı şeylernen özüni tutuv qaidelerine dair treningler ve lektsiyalarnı keçirgenini hatırlatamız.
Bu cümleden, 2021 senesiniñ ilk yarımyılı içinde Donetsk ve Lugansk vilâyetleriniñ 18 territorial cemiyetlerinde Reintegratsiya nazirliginiñ hadimleri, 50den ziyade mina telükesi malümat-añlatma tedbirlerini keçirdi.
Bundan ğayrı, dekabr ayınıñ başından kerekli itiyat ve bilgiler, №102 paytaht mektebiniñ, «Artek» litseyiniñ, Lugansk vilâyetindeki Kreminnada litseyniñ talebelerge berildi, Donetsk vilâyetiniñ Vugledar territorial cemiyetindeki oquv yurtlarınıñ talebeleri Reintegratsiya nazirliginden mahsus oquv qullanmalarını aldılar.