Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Lugansk vilâyeti arbiy-grajdan memuriyetinen ve Stanıtsâ Luganska territorial cemiyetinden yerli özidareniñ vekillerinen «Stanıtsâ Luganska» kiriş-çıqış yuqlav keçitiniñ kelecek modernleştirilmesini muzakere ettiler.

Planğa köre, KÇYKniñ hızmet zonası yanında vatandaşlar içün sıñırdan keçme şaraitini yahşılaştırmağa imkân yaratacaq belediye turaq olacaq, em de avtostantsiya çalışmağa başlaycaq. Bu işler 2022 senesiniñ ilk üç ayı içinde bitirilmeli.

Bundan ğayrı, Lugansk vilâyetinde çalışqan bütün üç yoqlav keçitiniñ, bu cümleden «Stanıtsâ Luganskanıñ», «Şçastâ» ve «Zoloteniñ», hızmet zonalarınıñ tüzetilmesi de planlaştırıiır. Böyle deñişmeler, KÇYKnden naqliyat ağını teşkil etmege yardım etecek.

Pariste N4 sammitiniñ añlaşmalarını kerçekleştirmek içün 2020 s. noyabr ayında «Şçastâ» ve «Zolote» KÇYKniñ açılğanını hatırlatamız.

2020 senesiniñ soñunda Ükümetniñ «Reintegratsiya ve yañıdan quruv» DŞni, KÇYKlerini ve oña yaqın olğan topraqlarnı abadanlaştırmağa, baqmağa ve hızmet etmege masül tutqanını hatırlatamız. «Şçastâ» ve «Sarı Bulat» KÇYKlerinde modernleştirilgen hızmet zonaları bütün başqa yoqlav keçitleri içün yekâne modernleştirme standartı oldı. Şimdi «Zolote» KÇYKnde hızmet zonasını modernleştirme işleri devam etmektedir. Bundan ğayrı, vatandaşlarğa hızmet etmek içün anda zemaneviy hızmet zonası olacaq.