Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, adliye naziri Denis Malüskanen, profil parlament eyyetiniñ başı Dmıtro Lubinetsnen, em de ekspert ve grajdan şirketleriniñ vekillerinen beraber RF işğali neticesinde zarar körgen vatandaşlar içün qanunlarnı ğayrıdan işlemek içün muşavereni keçirdi.
Laf, Ukrainanıñ işğal etilgen topraqlarında kerçekleştirilgen sözleşmeler içün kovnalidatsiya usulını kirsetüv aqqında edi.
Belli olğanı kibi, şimdi VİETda farqlı sözleşmelerni, bu cümleden vasiyetname, satın aluv, satuv, kira yapqan bir qaç million insan yaşamaqtadır. Faqat mevcut olğan Ukraina qanunlarınıñ olarnı tanımağanı sebebinden Ukrainanıñ nezareti astında olğan topraqlarda yaşamağa istegen vatandaşlar içün meselelerni yaratmaqtadır.
«Biz, Qırımdaki ve Dondabtaki rus işğal akimiyetini tanıp olmaycaqmız ve asla tanımaycaqmız. Aynı zamanda, bizim insanlarımıznı ukrain uquqiy boşluğından itep çıqaralmaymız. Çünki bu, vaqtınca işğal etilgen topraqlarnıñ reintegratsiya siyasetimizniñ insanlarğa yönelgen saasına zıt kelmektedir», – dep Vereşçuk qayd etti.
Böylece, VİETda imzalağanı içün keçirsiz olğan sözleşmelerniñ konvalidatsiyasını uquqiy tertiplevniñ kirsetilmesi esapqa alınır. Mezkür usul, VİETde yapqan sözleşmelerni tanımaycaq, amma olarnıñ kerçegi diqqatqa alacaq. Bu cümleden, laf doğum, evlilik aqqında şeadetname ve grajdan alı başqa aktları; tasil ve ihtisas aqqında vesiqalar; vasiyetnameler, köçmesizlik añlaşmaları ve başqa sözleşmeler aqqındadır.
İrina Vereşçuknıñ sözlerine köre, şimdi konvalidatsiya meselesiniñ tek uquqiy quveti degil, em de siyasiy parçası bar. Hususan, Ukrainanıñ vatandaşlarımızğa devletimizniñ uquqiy boşluğında olmağa imkân berecek normativ alannı yaratmağa kerek olğanını bildirdi.
«Tamam bu, kerçek reintegratsiyadır. Rusiyeniñ bizge qağşı cenk etkenini hatırlatayıq. Bu cümleden, quqiy boşluqta da. Bunıñ içün, insanlarımıznıñ yaşayışını yahşılaştıracaq adımlar bu cenkte ğalip çıqmağa yardım etecek», – dep hulâsa çıqardı.