burger

Ukrainadaki Danida Business Finance programması çerçivesinde daa bir astyapı leyhası tasdıqlandı

Опубліковано 28 December 2021 року, о 13:19

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, Ukraina Ükümeti ve Danimarka Qırallığı Ükümeti arasında Çerçive añlaşmasına binaen paranen temin etilecek üçünci astyapı keyhasını tasdıqladı. 2021 s. sentâbr ayından saylav devam etmektedir.

Saylanğan leyha Harkiv vilâyetinde kerçekleştirilecektir. O, («Rohatın qasaba şurasınıñ qızdıruv ağı» kommunal şirketi) Harkiv vilâyetindeki Harkiv rayonınıñ Rohatın qasaba territorial cemiyetinde magistral ve maalle içi qızdıruv teminatı ağlarınıñ ğayrıdan tiklenmesinen beraber mevcut olğan qazanhaneniñ rekonstruktsiyasını esapqa alınmaqtadır.

Evelce dekabr ayında ilk eki astyapı leyhasınıñ programmaları saylandı ve tasdıqlandı. Ekisi de Mıkolayiv vilâyetinde yerine ketirildi.

Qoşma malümat. Danida Business Finance – Danimarka Qırallığı tarafından kerçekleştirilgen ve belediye astyapı meselelerini çezmege yönelgen, 10 sene içinde ödecek faizsiz kreditni esapqa alğan bir programmadır. Böyle leyhalarnıñ azğariy fiyatı 13,5 mln yevro, azamiy ise 100 mln yevrodan ziyade.

Ukrainanıñ vaqtınca işğal etilgen topraqlarınıñ reintegratsiyasınen ve oña yaqın topraqlarnıñ astyapısınıñ inkişafınen bağlı olğan ve paranen temin etilgen leyhalarnı saylavnıñ yol-yoruğı Ukraina Nazirler Kabinetiniñ 2021 s. iyül ayınıñ 7-sindeki № 705 qararınen tasdıqlandı.