2021 s. dekabr ayınıñ 29-ında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ teşebbüsinen Ukraina Nazirler Kabineti, Donetsk ve Lugansk vilâyetleriniñ, Qırım MCniñ ve Aqyar şeeriniñ vaqtınca işğal etilgen topraqlarındaki kiriş-çekiş yoqlav keçitlerinden (KÇYK) keçüv usulını qolaylaştırdı.
2021 s. dekabr ayınıñ 31-inde deñişmelerni kirsetilgen qarar qanuniy quvetini aldı.
Böylece, bugünden başlap Vdoma elektron hızmetiniñ mobil qullanımını qurmaq kerekligi lâğu etildi.
Vatandaşlarnıñ çoq suali olğanı sebebinden KÇYKnden keçken kişilerniñ eñ aktual suallerine cevaplar azırlandı.
- KÇYKnden keçkende Vdoma qullanımını qurmaq kerekmi?
Yoq, kerekmey. Dekabr ayınıñ 31-inden böyle qarar lâğu etilir.
- KÇYKnden keçkende COVID-19 testini yapmaq kerekmi?
Yoq, testini yapmaq qararı yoqtur. Faqat, Ukrainanıñ toprağında bütün vatandaşlar içün Ukraina Nazirler Kabinetiniñ 09.12.2020 № 1236 qararınen tasdıqlağan karantin sıñırlamalarınıñ, bu cümleden Diia portalında ya da bir adlı qullanımda vaktsinanıñ bir ya da eki dozasını alıp “sarı” ya da “yeşil” halqara ve yahut içki COVID sertifikatınıñ, SQDTnıñ fevqulâde vaziyetlerde cedveline kirsetilgen vaktsinanen ecnebiy COVID sertifikatınıñ, ya vaktsinanıñ bir dozası vesiqasınıñ, ya Vaktsinatsiya halqara şeadetnamesiniñ, ya da avtobus marşrutlarında avtomobil naqliyatınen, vilâyetlerara aviatsiya ya da demiryol naqliyatınen ketkende talilni yapqan 72 saat içinde mezkür bilgilernen beraber PZR-testi ya da antigen testiniñ olmaq kerekligine diqqatıñıznı celp etemiz.
- KÇYKnden keçkende insan COVID-19 testiniñ pozitiv neicesini alsa, ne yapmaq kerek?
Ukraina Nazirler Kabinetiniñ 09.12.2020 № 1236 qararına binaen, hastalanma şübesinen ya da qolay şekilde yani hastahanege yatqızmağa ihtiyacı olmasa tasdıqlanğan COVID-19 hastalığınen kişiler özüni izolâtsiya etmek kerekler. Mezkür kişiler, Ukrainanıñ nezareti astındaki topraqlarında izolâtsiya ete ya da vaqtınca işğal etilgen topraqlarğa kete bileler. Özüni izolâtsiya etmek kerekli olğan kişiler, izolâtsiya yerinde er vaqıt olmalı, yaşağanları kişilerden tışında başqa insanlarnen alâqada olmamalı.
SQN tarafından tasdıqlanğan COVID-19nen hastalanğanlarğa tibbiy yardım berme standartlarına köre, SARS-CoV-2 antigeni çabik testiniñ pozitiv neticesi PZRnen taqdirlenmelidir. Öyle olsa, mezkür kişiler PZR testi vastasınen SARS-CoV-2 testini yaptırmaq içün eñ yaqın sağlıq qorçalama müessisesine muracaat etmeliler ve pozitiv neticesi olsa, klinik nezaret astında olmalılar, öz vaqtında tibbiy yardım berilmeli ve qırğınlıqqa qarşı tedbirlerni keçirilmeli.
Böylece, testiniñ pozitiv neticesini alğan kişi, ekimniñ nezareti astında izolâtsiya ete bilir, yaramaylaşqan hastalıq olsa, kişi hastahanege yatqızmağa mecbur.