2022 s. yanvar ayınıñ 20-sinde Kramatorsktaki Donetsk ticaret-sanayı palatasında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ, Donetsk vilâyet devlet memuriyetiniñ İgor Moroznıñ ve bölgedeki biznesniñ vekilleriniñ iştirakinen Donetsk ve Lugansk vilyetleriniñ İqtisadiy inkişaf strategiyasınıñ taqdimi ve bir qaç qanun leyhasınıñ muzakeresi keçti.

Böylece, körüşüv vaqtında İrina Vereşçuk, mezkür Strategiyanıñ yerine ketirüv planlarını añlattı. Reintegratsiya nazirliginiñ reberi, iştirakçilerni keçken seneniñ soñunda Yuqarı Şurada qayd etilgen «Donetsk ve Lugansk vilâyetlerinde prioritetli inkişaf toprağında iqtisadiy faaliyetler mahsus rejimini kirsetüv» qanun leyhasınıñ eñ müim maddelerinen tanıştırdı. Bu vesiqa bir qaç yañartuvnı şekillendirüvni esapqa almaqtadır. Bu cümleden, Konsortsium para berüv fondu, bölgeniñ iqtisadiyatnı eski alına ketirmege çabikleştirmek, biaznes içün arbiy-siyasiy telükelerni sigorta etmek, prioritetli inkişaf topraqlarını yaratmaq ve ealiniñ oquv ve yañıdan oquv programmalarını faalleştirmek maqsadınen teşkil etildi.

«Elbette mahsus rejim, birinciden, iş yerlerini yaratqan ve yerli bücetke bergilerni ödegen büyük istisalcılarğa yardım etüvni esapqa almaqtadır. Amma bu, yañı qidelerni İAHŞnıñ de qullana bilmelerini lâğu etmey. Eñ müim talap,  arbiy areketler neticesinde zarar körgen bölgelerdeki insan potentsialını inkişaf etmek içün yañı iş yerlerini yaratmaq ve endi mevcut olğanlarnı sağlamaqtır. Bu cümleden, sıñır sızığına yaqın olğan 18 arbiy-grajdan memuriyetinde. Bugün biz bölgeniñ çoq meselesini ögrendik. Bazıda olar yekâne, bazıda bütün devletke bağlıdır», – dep Vereşçuk bildirdi.

Daa o, Ükümetniñ ve Prezident Volodımır Zelenskiyniñ, bütün iş adamlarnıñ inkişaf teñ şaraiti olmaları içün çalışqanını qoştı.

Tedbirniñ soñunda daa müim imkânlar muzakere etildi, biznesniñ inkişaf ve mezkür Strategiyanı kirsetüv çerçivesinde Donetsk vilâyetiniñ iqtisadiy potentsialı teklifleri bildirildi.