Ukraina Donetsk ve Lugansk vilâyetleriniñ vaqtınca işğal etilgen topraqlarında saylavlarnı tek telükesiz meselesini çezgen soñ keçire bilir.

«Rada» parlament telekanalınıñ yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

«Keçken afta biz Büyük Britaniyanıñ Parlamentiniñ tışqı işler eyyetiniñ vekillerinen körüştik. Britaniya mebuslarınen laf etkende men: şimdi Ukrainanıñ nazariyeti astında vaqrınca olmağan topraqlarında telükesizlik meselelerini çezmeden evel saylavlarnı keçirip olamaymız dep bildirdim», – dep Vereşçuk qayd etti.

Onıñ sözlerine köre, şimdiki telükesizlik vaziyetine binaen ATİT ya da başqa halqara teşkilât mandatnı alsa da VİETdan saylavlar olamaz. Bunıñ içün şimdi bu siyasiy mesele, tek deokupatsiyadan soñ baqıla bilir, çünki tek bu alda olar legal, qanuniy ve halqara tarzda tanınğan stusqa saip ola bilir.

«Minsk añlaşmalarınen ne olğanını ve mezkür añlaşmalarnen ne içün sanktsiya siyasetini bağlanmamaq kerekligini añlatqanımızdan soñ ortaqlarnıñ tenbileri yoq edi. Rusiye olarğa riayet etmey ve riayet etme niyeti yoq», – dep Vitse-baş nazir qayd etti.