2022 s. yanvar ayınıñ 24-ünde Ukraina Nazirler Kabinetiniñ nevbetten tış oturışında 2021 s. avgust ayınıñ 4-ündeki Ükümetniñ oturışında tasdıqlanğan «Keçüv devriniñ devlet siyasetiniñ temelleri aqqında» qanun leyhası keri dönüldi. Bu qarar, 2021 s. oktâbr ayınıñ 15-indeki Avropa eyyetiniñ (Venedik eyyeti) «Uquq vastasınen demokratiya» neticesine köre, temelli olaraq mükemmelleştirmege kerekliginen bağlıdır.

Böylece, Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ sözlerine köre, Venedik eyyetiniñ bir qaç kritik izasından ğayrı, mebus hadimleri ve mütehassıslarnıñ leyhanıñ muarririyetine şimdiki yardımı yeterli olmay.

« Bu qanun leyhası em Reintegratsiya nazirliginiñ, em de başqa nazirlikler ve devlet organlarınıñ şiddetli işiniñ neticesidir. Aynı zamanda o, mükemmelleştirilmeli, bu da parlamentte onıñ baqılmasını aqsatmaqtadır. Mesleatlar vaqtında daa em halq mebusları, em de halqara ortaqlarımız qanunnıñ mükemmelleştirmege kerekligini bildirdiler», – dep İrina Vereşçuk qayd etti.

Daa o, bu qararnıñ Donetsk vilâyetine ve Harkiv şeerine ziyaretleriniñ neticelerine köre kesen-kes tasdıqlanğanını qoştı.

«Harkivdeki oturıştan ögrengen soñ, eger vesiqa şimdiki şeklinde qalsa, Ukrainanıñ milliy menfaatlarını ve em halqara ortaqlarımıznıñ, em de Venedik eyyetiniñ köstergeni kibi insanlarğa doğrultılığını qanaatlendirmek içün kenişletilmez. Birinciden qanun leyasınıñ «insanlarğa doğrulığına» daa çoq yönelecek muayyen printsipleri deñiştirilmeli», – dep nazir haber etti ve nazirliginiñ vatandaşlarınıñ aqlarına bağlı iddialarını mükemmelleştirmege niayetini qayd etti.