Yuqarı Şurada jurnalistlernen laf etkende Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

«Yuvaş olmalımız. Telâş içün sebep yoq. Bizde endi sekiz senedir cenk devam etmektedir. 2014 s. fevral ayından Rusiyeniñ tecavuzı köstermeli terzda devam etmekte: Qırımnı, Donetsk ve Lugansk vilâyetleriniñ parçasını işğal etüv. Ğarbiy ortaqlarımız içün daa köstermeli şey nedir? Nevbetteki tecvuz areketi provokatsiyasını yapqan bütün adımlarını añlaymız, mudafaa planımız bar, strategiyamız bar ve ne yapacağımıznı bilemiz. Bu 2014 senesi degil. Azırmız ve daa çoq azır olacaqmız. Şarqta telâş ücümleri ve duyğuları yoqtır, ve olarnı doğurmamalımız», – İrina Vereşçuk dep aytıı.

Daa o, işğal etilgen topraqlarda duyğularınıñ yuvaş ve adekvat olğanını, insanlarnıñ ise başqa meselelerine diqqat celp etkenlerini qoştı.

«Men Donetsk vilâyetinde edim, bundan evel de Lugansk vilâyetinde edim. İnsanlar tarifelerni, ÖORnı qoyuvnı tüşünip qasevetleyler. Kiçik biznesniñ vekillerinen körüşemiz. Olar soraylar: cöreme ödememek ve bergi hızmetiniñ bizge adaletli tarzda baqması içün ne yapmak kerekmizо», – Vitse-baş nazir dep hulâsa çıqardı.

Keçenlerde «Rada» parlament telekanalınıñ canlı yayınında İrina Vereşçuk, Ukrainanıñ, tek telüke meselesini çezgen soñ Donetsk ve Lugansk vilâyetleriniñ vaqtınca işğal etilgen topraqlarında saylavnı keçire bilecegini bildirdi.