Ukraina baş naziri Denıs Şmığal ve Lehistan baş naziri Mateuş Moravetskıynen körüşüvde Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı. Kadentsiyası vaqtında Lehistan Ükümetiniñ başınıñ Kıyıv şeerine ilk ziyareti.

Körüşüv vaqtında Vereşçuk ve Moravetskıy, vaqtınca işğal etilgen topraqlarnen sıñır sızığındaki vaziyetnikelecek deeskalatsiya etüv kontekstinde telükesizlik saasında Ukrainanıñ mevzilerini tesirli pekitme aletlerinden biri olğan ukrain-leh-britaniya işdeşliginiñ yañı formatını şekillendirüv ameliy aspektlerini muzakere ettiler. Vitse-baş nazirniñ fikrine köre, Lehistan ve Büyük Britaniyanıñ, HATOniñ azaları olaraq, liderligini ve Kremlniñ tecavuziy tışqı siyaseti ögünde institutsiya birleşüv misalini köstermesi pek müimdir.

«Lehistan, bizim eski siyasiy ve iqtisadiy dostumız ve ortağımızdır. Britaniya tek azır olğanını köstermey, endi bizim uruşqa qabiliyetligimizni pekitüv tedbirlerde iştirak etmektedir. Yardımı vastasınen daa quvetli olmaq içün bizim ley ve britaniya ortaqlarımızğa teşekkür bildiremiz. Tecavuzcı tek quvetni añlay ve tek medeniyetli dünyanıñ ortaq cevabından ve biznen ortaq fikirdeşliginden qorqar», – Vereşçuk dep bildirdi.

Daa o, devletimiz içün qıyın vaqıtta Ukrainanı deñişmegen tarzda desteklemesi içün leh ükümetiniñ başı Mateuş Moravetskıyğa ve bütün leh halqasına teşekkür bildirdi. Keçenlerde yanvar ayınıñ 27-sinde ley Seymi Kıyıvğa yardım etmek içün HATO ve ABniñ devletleriniñ ükümetlerine hitapnen qararnı qabul etip bu fikrini tasdıqladı.