Donetsk vilâyetindeki RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatınıñ berilmesinen bağlı meseleler üzerinde eyyet, viran etilgen mesken 11 obyektine saip olğan ve zarar körgen 17 vatandaşqa para tazminatınıñ berilmesi ve olarnıñ umumiyleştirilgen cedvelge kirsetilmesi aqqında qarar berdi.

6 viran etilgen obyekt Avdiyivka şeerinde, 4 – Opıtne qasabasında, 1 – Granitne köyünde yerleşe.

Böylece, oturış neticesinde 17 zarar körgen kişi 3 million 300 biñ grivnalıq tazminatnı, yani bir viran etilgen obyekt içün 300 biñ grivna alacaq. Daa bir arizanı baquv vaqtı uzatıldı.

Reintegratsiya nazirliginiñ, Donetsk vilâyeti devlet memuriyetinen (vilâyet arbiy-grajdan memuriyeti), yerli özidare organları ve meskün yerlerni arbiy-grajdan memuriyetlerinen RF silâlı tecavuzı sebebinden arbiy fevqulâde vaziyeti neticesinde viran etilgen mesken evleri (daireleri) zarar körgenlerge para tazminatını bermege devam etkenini qayd etmek müimdir.

Umumen, 2021 senesi Donetsk ve Lugansk vilâyetlerinde eyyetlerniñ, 409 mesken fondnıñ obyektlerine saip olğan 509 zarar körgen kişige 113 million 819 biñ 230 grivnalıq tazminatnıñ berilmesi aqqında qararnı qabul etkenini hatırlatamız. Bu cümleden, 2021 s. soñ oturışta Donetsk vilâyetindeki viran etilgen mesken içün tazminat 41 vatandaşqa tayinlendi.