Fevral ayınıñ 7-sinde Ükümetniñ Binasında Ukraina vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Ukrainadaki BMTnıñ sistemasınıñ koordinatorı Osnat Lubraninen beraber “Ukrainanıñ şarqından yaşlarnı içtimaiy ve milliy birlikke ve dialog etme ustalığına yardım etmege çeküv” leyhasını resmiy olaraq başlattılar. 

«Bu leyhanı yerine ketirüv, Ukrainanıñ şarqından yaşlarımıznı içtimaiy ve milliy birlikke ve dialog etme ustalığına çekmege yardım etecek. O, em de nazirligimizniñ qabiliyetini quvetleştirir. VİETnen sıñırlanğan rayonlardaki cemiyetlerden, hususan vaqtınca işğal etilgen topraqlardan yaşlarnı içtimaiy ayatqa, yaşdaşlarnen dialogğa çekmege ve olarğa ukrain nezareti astındaki yaşayışnı köstermege isteymiz, – dep İrina Vereşçuk qayd etti. 

Bu leyhanı yerine ketirüv vaqtı 18 aydır. Onıñ fiyatı ise içtimay ve milliy birlikke, dialog etme ustalığına yönelecek 2 million dollardır. Leyha, BMTnıñ barışqnı inkişaf etüv baş kâtibiniñ fondunıñ parasınen temin etilecek.

Vitse-baş nazirniñ sözlerine köre, yaşlar, resurslarnı almağa ve misal olaraq tecavuzdan soñ tertiplevnen ya da cemiyetlerinde dialognı yahşılaştıruvnen bağlı mikroleyhlar şeklinde öz ğayelerini yerine ketirmege böyle imkânlarından ilham duyacaqlardır. Olar, yaşlarğa dair güzel bir siyasetni şekillendirme adımı olacaq.

Daa İrina Vereşçuk, BMTnıñ barışqnı inkişaf etüv baş kâtibiniñ fondunıñ, Ukraina milliy barışıq inkişaf merkeziniñ faaliyetini destekleycegini, em barışıqnı ğayrıdan tiklev yönelişinde, em de vaqtınca işğal sebebinden insan aqlarını eñ şiddetli bozuvlarnı vesiqalaştırma qabiliyetini quvetleştirecegini qoştı.

Qayd etemiz ki, Ukrainadan eñ müim kâr alıcı Reintegratsiya nazirligidir. Leyhanı yerine ketirüv ceryanına Ukraina yaşlar ve sport nazirligi, Ukraina medeniyet ve malümat siyaseti nazirligi, yaşlar merkezleri ve cemiyet birleşmeleri de qatılacaq.

Şimdi leyha, Nazirler Kabinetinde kerekli qayd etme etapındadır. Leyhanıñ faal fazasınıñ 2022 s. aprel ayında başlaycağı ve onıñ esas tedbirleriniñ aynı sene içinde keçecegi beklenilir.