burger

Diia Summit: Diia portalında DAK içün eki yañı hızmet taqdim etildi

Опубліковано 9 February 2022 року, о 11:34

2022 s. fevral ayınıñ 8-inde devletniñ 2 sene içinde raqamiy hızmetler saasında irişilgen esas muvafaqiyetlerniñ taqdim etilgeni ve qullanmada ve Diia portalında yañı hızmetlerniñ taqdim etilgeni Diia Summit keçti.

Diia Summitni Ukrina Prezidenti Volodımır Zelenskiy, Ukraina baş naziri Denıs Şmığal ve Vitse-baş nazir – Raqamiy transformatsiya naziri Mıhaylo Fedorov açtılar.

Böylece, Diia portalındaki e-hızmetlerniñ cedveline devlet içinde alınğan kişiler içün de online hızmetler kirsetildi, bu cümleden:

– para yardımını almağa devam etme arizasını resmiyleştirüv;

– para yardımını almağa toqtama arizasını resmiyleştirüv.

Bugünden, DAKniñ çabik ve oñaytlı olaraq beyanname printsipine mücibi para yardımını almağa devam etme vaqtını kelecek altı ay içün uzatmağa imkânı bar (onı tayın etüvge tesir etken deñişmeler olmasa). Bunı yapmaq içün Diia portalında kerekli azıranı toldurmaq ya da Diia portalı vastalarınen elektron şekilde para yardımını almağa toqtama arizasını bermek kerek.

«Endi 14 mlndan ziyade ukrainlı Diiada oñaytlı elektor hızmetni qullanmaqtadır. DAK içün böyle hızmetler ararsında endi DAK malümatnamesini kösterüv ve imtiyazlı ipoteka kreditini alma arizasını berüv oldı. Raqam nazirligi ve İçtimaiy siyaset nazirliginen orta işimizniñ neticesinde DAK içün para yardımını almağa devam etme/toqtama arizasını resmiyleştirüv hızmeti peyda oldı. Yaqın zamanda, testler yapılğan soñ, DAK içün Diia portalında faktik yaşama/bulunma yerini deñişüv hızmeti de peyda olacaq», – dep VİETnıñ reintegratsiya meseleleri naziriniñ muavini Snaver Seythalilev qayd etti.

Bundan ğayrı, onıñ sözlerine köre, Ukraina pensiya fondunıñ portalınıñ şahsiy kabinetinde Diya.Pidpıs (Diya ID) ihtisaslı elektron imzası yardımınen pensiya ve içtimaiy ödevlerni almaq içün VİETnıñ sakinleri uzaqtan identifikatsiya mehanizmi kirsetildi.

«Maqsadımız, vatandaşlarımızğa, tek vatandaşlarımıznıñ ihtiyaclarına ve oñlaytlılığa yönelgen avropa seviyesindeki hızmetlerni köstermektir» – dep nazrniñ muavini qoştı.

Diia portalında DAK içün elektron hızmetlerni kirsetüv, UNDP Ukraine tarafından kirsetilgen ve İsveçiyanıñ para yardımınen «Raqamiy, inklüziv, kelişikli: Ukrainada devlet hızmetleriniñ raqamlaştırılmasına yardım (Diiağa yardım leyhası)» leyhası çerçivesinde kerçekleştirilmektedir.