Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuknıñ yardımınen Reinetgartsiya nazirliginiñ idare saasına kirgen «Reintegratsiya ve ğayrıdan tiklev» devlet müessisesi vaqtınca işğal etilgen Qırım MC ve Herson vilâyeti arasında sıñır sızığını keçken vatandaşlar içün bedava mahsus avtobus taşılmalarını işletti.

Böylece, 2022 s. fevral ayınıñ 14-ünden «Qalançaq» ve «Çonğar» KÇYKlerinde er kün 8:00 – 18:00 saatlerinde işlegen mahsus marşrut temin etildi. Avtobus taşılmaları, Ukrainanıñ Ükümetiniñ nezareti astındaki toprağı sıñırlarında KÇYKnden sıñır sızığına ve aksine yapılacaqtır. Birinciden böyle hızmet saqatlılarğa, qartlarğa, hamilelerge, balalarnen vatandaşlar ve az mobil olğan kişilerge yönelgendir.

Mahsus naqliyatnıñ, saqat arabasınen kişilerni taşımasına uyğun olğanını, ealige malümat bermek içün mikroavtobusınıñ salonında elektron paneliniñ tiklengenini qayd etemiz.

Taşılmanıñ bedava olğanına diqqatıñıznı celp etemiz!

2021 s. noyabr ayınıñ 23-ünde İrina Vereşçuknıñ, 2022 s. KÇYKlerinde qanunsız taşılmalarnen vaziyetni idare etmek içün imkânlar, para tapmağa ve avtobuslarnı almağa söz bergenini hatırlatamız.

“Mında taşılma hızmetlerini bergen şahsiy şirketiniñ avtobuslarını kördim. Añlağanıma köre, bu alâ daa çezilmegen bir mesele, ne vilâyet, ne vilâyet akimiyeti muayyen sebeplerine köre bunı çeze bilir. Azğariy ücretnen insanlarnı taşıya bilgen avtobusları yoqtur. İmkânlar, paranı tapmağa ve böyle avtobuslarnı almağa söz beremiz. Böyle çoq paalı taşılma, şahsiy sirketler laf etsek, asla olmaycaq”, – dep Vitse nazir qayd etti.