Bugün, fevral ayınıñ 16-sında Ukrainada keçenlerde Ukraina Prezidentiniñ Emrinen başlatılğan bayram olğan Biklik kününiñ munasebetinen çoqtan-çoq numayış ve tedbir keçirilmekte. Rusiye tarafından vaqtınca işğale etilgen Qırımnen sıñırdaş olğan Donetsk ve Lugansk, Herson vilâyetleriniñ cebege yaqın rayonlarında yerleşken cemiyetlerde keçken tedbirlerniñ müiti fevqulâdedir.

Numayış, Ukrainanıñ vaqtınca işğal etilgen topraqlarınıñ reintegratsiya meseleleri nazirligi ve Vitse-baş naziri İrina Vereşçuknıñ yardımınen keçirilmekte.

Kreml tecavuzınıñ doğrudan-doğru azamiy tarzda menfiy neticelerini duyğan ve RFnda idare etken rejimniñ şimdi potentsial arbiy kerginleşmesiniñ ileri mevzilerinde olğan bu bölgelerniñ birdemlikke ve umumiy halqara destekke ihtiyacı bar.

Şimdi şeerler, şeerçikler ve qasabar mavı-sarı bayraqlarnen örtündiler, cemiyet yerlerinde milliy gimn çoq sesli tarzda ve vatanperverlik nutuqları icra etile edi. Bu cümleden, bugün Birlik kününiñ munasebetinen Ukraina milliy bayrağı em Hersonda – Oles Ğonçar adına vilâyet kitaphanesi yanında köterildi. Anda bayram, Devlet gimniniñ icra etüvinen başlandı ve şeercilerniñ birklikni, suverenitetni ve üklemizniñ devlet bütünligini desteklegen nutuqlarınen devam etti.

Mavı-sarı bayraq em de Qırımnen memuriy sıñırda – «Qalançaq» kiriş-çıqış yoqlav keçitinde tantanalı tarzda köterildi. Anda mezkür tedbirler Skadovsk rayon devlet idaresinen beraber teşkil etile edi.

«Birlik tögeregi» vilâyet fleşmobı Kramatorsktta – Donetsk vilâyetindeki eñ büyük Ukraina bayrağı yanında da oldı. Numayışta Donetsk VDİniñ başı, bilâyet arbiy-grajdan memuriyetiniñ reberi Pavlo Kırılenko, BQOnıñ şatbınıñ komandanınıñ muavini general-mayor Bogdan Bondar, vilâyet ve Kramatorsk devlet idaresiniñ, şeer şurasınıñ hadimleri, askerler, yaşlar ve şeerciler iştirak ettiler.

Aynı numayış em de Mariupol şeeriniñ Serbestlik Meydanında keçti, anda şeerciler, qarşılıq köstereceklerini ve serbestligimiz içün küreşeceklerini bildirdiler.

Lugansk vilâyetinde Birlik kününiñ hususiyeti, Lugansk VDİ yanında 200 metrlik Ukraina Bayrğınıñ tantanalı ve timsaliy açılması oldı. Tedbir, Barışıq meydanına cemaatnıñ çoq qabalıq tantanalı yürüşinen ve bölgeniñ şeerlerini azat etkende 2014 s. yazda ölgen UMSniñ general-mayorı Oleskandr Radiyevskıy eykeline çiçeklerni qoyuvnen devam etti.

Luganks vilâyeti, birlikke ve barışıqqa öz ıntıluvını kösterdi: serbest olmağa isteymiz ve onı qazanmaq içün küreşmege azırmız, biz epimiz bahtlı yaşamağa isteymiz. Öz quvetlerimizden eminmiz ve kelecegimizni qurmağa devam etemiz, çünki yekâne Ukrainağa aşq bizni birleştire. Biz sakinmiz, quvetlimiz, birliktemiz!

Ukrainlerni Birlik kününen hayırlağanda Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, şimdi Ukrainanıñ tarihiy imtiannı bergenini qayd etti.

«Esas meselesi, öz ambitsiyalarımız ve duyğularmız tışına çıqıp-çıqmaycağımız sorağan tarihiy imtiandır. Bizge salınğan qorqunı aşacaqmızmı? Ümütsizlik, közü qaytuv, telef, ağrı qorqularını. Ve men, bugün million insan kibi, bu cevapnı taptım. Bu cevvapnı Prezidet, Baş nazir, Ükümet, parlament taptılar. Ve bu cevap – ebet! Özümizdeki qorqularnı aştıq, sözler ve kerekli duyğularnı taptıq. Quvetlimiz, çünki birliktemiz», – dep Reintegratsiya nazirliginiñ reberi ayttı.