2022 s. fevral ayınıñ 16-sında Çarşenbe künü Rusiye Federatsiyası tarafından vaqtınca işğal etilgen Qırımnda qanunsız makeme organı, Svoboda radiosınıñ ştattan tış jurnalisti Vladıslav Yesıpenkoğa üküm çıqardı. Böylece, nevbetteki sefer vaqtınca işğal etilgen topraqlarda Rusiye, ukrain vatandaşlarına qarşı repressiya yapa, mustaqil jurnalistlikni yoq ete, söz serbestlik aqqını ve nazar noqtalarını ifade etme serbestlik aqqqı boza.

2021 s. mart ayınıñ 10-unda Qırımnıñ toprağında Vladıslav Yesıpenko qanunsız olaraq uquqiy temelsiz tutuldı. Bundan soñ, tahminen 8 ay devamında patlayıcı aletni qanunsız saqlama ve taşıma içün uydurılğan qabaatlav sebebinden makeme davasınıñ baqılmasınıñ illüziyası yapıla edi. Jurnalist, insaniyetsiz şaraitte tutula ve işkence vastasınen itiraf ettirile edi. Neticesinde, qanunsız makeme Yesıpenkoğa üküm – umumiy rejimli cezahanede 6 sene ve 110 biñ rublelik cöreme – çıqardı.

Ukraina, siyasiy tarzda esaslı qabaatlavlar sebebinden ukrain vatandaşlarını taqip etüvni takbih ete ve işğalci bir devletni vaqtınca işğal etilgen topraqlarda insan aqlarını ve halqara gumanitar aqnı bozmğa bitirmege çağıra.

Daa ukrain vatandaşlarını qanunsız esirlikten deral azat etmesi ve olarnıñ ayırılımaz aqlarına riayet etmesi maqsadınen halqara ortaqlarnı Rusiyege diplomatik tazyıq küç-quvetini birleştirmege çağıra.

Ukraina devlet akimiyet organlarından ğayrı, Avropa ve Jurnalistler halqara federatsiyası da Yesıpenkonı deral tarzda azat etmesini ve bütün qabaatlavlarnı qaldırmasını talap ete.

2021 s. dekabr ayınıñ 16-sında Yesıpenkonı siyasiy tarzda esaslı taqip etüv de BMTnıñ Baş Assambleyasınıñ rezolütsiyasınen takbih etildi.

Ukraina Prezidenti Volodımır Zelenskıy Yesıpenkoğa Levko Lukyanenko adına devlet stipendiyasını tayin etme emrini endi imzaladı.