Lugansk vilâyetindeki brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, sıñır sızığınıñ cebege yaqın bölgelerine ziyaretiniñ neticelerini añlattı.

İrina Vereşçuk, Ukrainanıñ gumanitar qarşılıq kösterme planı olğanını – kerelki olsa gumanitar koridorlar vastasınen vaqtınca işğal etilgen topraqlarından Ükümetniñ nezareti astındaki toprağına tınç yaşağan adamlarnıñ tahliye etilmesini nasıl temin etecegini haber etti. Bunı yapmaq içün muayyen resurslar bar. Amma aynı zamanda RFnıñ, bu tür koridorlarnıñ provokatsiya maqsadınen qullanılmaması, ateş üzerinde olmaması ve yerli ealiniñ zarar körmemesi içün telükesizlik kefilligini bermeli.

«Cevapkârlıqnı almağa ve VİETdan ketmege qarar berecek insanlarnı mesken, aş, ilâçlar kibi kerekli olğan er şeynen temin etmege azırmız. Rusiyeni aytışma masasınıñ başına oturıp diplomatik siyasiy tarzda bütün meselelerni çezmege çağıramız. Hususan, vatandaşlarınıñ temel aqlarına bağlı meseleler»,- dep irina Vereşçuk bildirdi.

Daa şimdi Ukrainanıñ keçenlerdeki ateşler neticesinde mesken-kommunal astyapını viran etikeni ve on biñlerce insan suzsız ve elektriksiz qalğanı Şarqındaki meskün yerlerde suv ve elektrik teminatını tamamınen ğayrıdan qurmağa imkânı bar. Faqat telükesizlik kefilikleriniñ ve ateşni toqtatma rejiminiñ olmaması, ukrain akimiyetiniñ böyle areketlerini imkânsız qala.

Memur, şimdi vaqtınca işğal etilgen topraqlarda RFnıñ insanlarnı azatlıqtan marum etkenini hulâsa çıqardı. Şimdi VİETda olğan tahliye ceryanlarınıñ qanunsız ve halqara şartnamelerni ve Ukrainanıñ qanunlarını bozğan olğanını qayd etti.

«Daa bir kere halqara cemaatnı Rusiye Federatsiyasınıñ areketlerini aqiqiy tarzda ögrenmege çağıramız!» – dep Reintegratsiya nazirliginiñ reberi diqqat celp etti.

İrina Vereşçuk, ihtisaslılığı içün askerlerimizge, yerli akimiyetniñ vekillerine teşekkür bildirdi. Daa, sakin ve çıdamlı olmaları içün Donetsk ve Lugansk vilâyetlerinde yaşağan insanlarğa teşekkür bildirdi. Daa o, Lugansk ve Donetsk vilâyetlerinde insanlarnıñ gece-kündüz muracaat ete ve yardım ala bilgenleri nevbetçi telefon sıcaq hattınıñ olğanını hatırlattı.

«Tek beraber semereli ola bilirmiz!» – dep memur qayd etti.