Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk öz Facebook saifesinde böyle sual berdi.

«Ukraina-Ğarp-Rusiye geosiyasiy üç köşeliginiñ iştirakçileri, kerçekten ne istegenlerini ve bunı yapmaq içün ne yapmağa azır olğanını qarar bermek kerekler. Rusiye endi qarar berdi: o, bizge qarşı yañı bir tecauv içün azırdır. Ukraina da qarar berdi: öz devletimizni qorçalaycaqmız. Endi de Ğarp qarar bermek kerek. Ğarp, Rusiyeni tutmaq içün ne qadar ilerige ketmege azır?», – dep Vereşçuk qaed etti.

O, tarih ve şimdiki geosiyasetniñ Ukraina içün bitaraf statusnı imkânsız yapqanını qoştı. Çünki Rusiye, Ukrainanıñ mustaqilligini, öz mevcüdiyetine bir telüke olaraq körmektedir. Böylece, Avropa Birligine ve NATOğa yol – rus tesir orbitasına qaytuv istiqbalinden qaçınmaq içün tek variantımızdır.

İrina Vereşçuk, ukrain vatandaşlarınıñ nevbetteki areketleriniñ öz nazar noqtasınen paylaştı.

«Biz sakin olmağan bir vaqıtta yaşamız. Ne yapmaq kerek? Öz işini yahşı yapmaq kerek. Öz qorantalarına baqmaq kerek. Bir-birini desteklemek kerek. Ordumız ve Prezidentimizni desteklemek kerek. Açıq-aydın tüşünmek ve cesür olmaq kerek. Ebet, belki de, şiddetli devir olacaq. Faqat qaysı sınavrlar bizni beklegeni degil, olardan nasıl keçecegimiz ve soñ ne olacağı müimdir. Bu eñ müimdir», – dep Vitse-baş nazir hulâsa çıqardı.

Fevral ayınıñ 21-inde Rusiye Federatsiyasınıñ RİEDLVniñ böyle degen “mustaqilligi”ni tanığanını hatırlatamız. Kremlniñ 2014 s. başlağanı nevbetteki tecavuz aktıdır.İrina Vereşçuk, vaqtınca işğal etilgen topraqlarınıñ sakinlerine muracaat etip Ukraina Ükümetiniñ nezareti astındaki topraqlarına qaytmağa çağırtı. Qaytmağa planlaştırğan vatandaşlar bağlantığa basıp malümatnı oqumaq kerekler. RFnen sıñırını ya da VİETnen sıñır sızığını keçken soñ yardım ete bilecek hızmetler ve teşkilâtlarnıñ telefon nomeraları bildirildi.