burger

İrina Vereşçuk: “VİETdan devlet içinde alınğan kişilerniñ pensiya ödenmesinde adaletke ihtiyacı bar”

Опубліковано 23 February 2022 року, о 14:03

«1+1» kanalındaki «Akimiyet aqqı» programmasınıñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

«Devlet içinde alınğan kişilerden kimleri aqqında ve nasıl qayğırmağa kerekligimizni qarar bermelimiz», – dep qayd etti.

İrina Verşçuk, DAK statusını berme fikriniñ muayyen sebeplerden evlerni taşlap Ükümetniñ nezareti astındaki topraqlarına köçken insanlar mümkün olğan er şekilde yardım etmek olğanını hatırlattı: pensiyanı almağa, kiralıq yardımı, kommunal hızmetler vi.

Aynı zamanda onıñ sözlerine köre, şimdi böyle vaziyet mevcuttır: devlet içinde alınğan kişlilerniñ muayyen parçası Ukrainadan bu statusnı ve, elbette, pensiya, yardım aqqını alıp, RİEDLVne qaytıp, belki de RF pasportını ala ediler. Bu insanlar em rus pensiyası, em de içtimaiy yardımnı alalar.

«Ükümetniñ nezareti astındaki topraqlarına köçken, şimdi yaşağan ve yardımnı alğan devlet içinde alınğan kişiler içün adaletsizdir. Bu qıyın siyasiy bir qarar, amma tamam ketkenlerge pensiya ödemek kerekmiz», – dep Vitse-baş nazir hulâsa çıqardı.

Fevral ayınıñ 21-inde Rusiye Federatsiyasınıñ RİEDLVniñ böyle degen “mustaqilligi”ni tanığanını hatırlatamız. Kremlniñ 2014 s. başlağanı nevbetteki tecavuz aktıdır.İrina Vereşçuk, vaqtınca işğal etilgen topraqlarınıñ sakinlerine muracaat etip Ukraina Ükümetiniñ nezareti astındaki topraqlarına qaytmağa çağırtı. Qaytmağa planlaştırğan vatandaşlar bağlantığa basıp malümatnı oqumaq kerekler. RFnen sıñırını ya da VİETnen sıñır sızığını keçken soñ yardım ete bilecek hızmetler ve teşkilâtlarnıñ telefon nomeraları bildirildi.