burger

Ukrainada cenk vaziyeti kirsetildi

Опубліковано 24 February 2022 року, о 8:23

Saat 8:00de Ukraina Yuqarı Şurası bütün Ukrainada cenk vazieytini kirsetti.

Bugün, fevral ayınıñ 24-ünde Rusiye Federatsiyasınıñ silâlı quvetleri, şarqındaki böluklerini şiddetli tarzda ateşke tuttı, ve Borıslip, Ozerne, Kulbakine, Çuğuyeve, Kramatorsk, Çornobayivtsi şeerlerindeki ava limanlarını, em de Ukraina Silâlı Quvetleriniñ arbiy obektlerini raketa-bomba darbelerinen ateşledi. Bunı USQniñ Baş ştabı añlattı.

Aynı zamanda tecavuzcı, devlet sıñrı bıyunca bulunğan Ukrainanıñ meskün yerlerine ve topraqlarına top ateşini açtı.

“Ukraina Silâlı Quvetleriniñ Ava Quvetleri, işğalciniñ ava basqınını urıp qaytardılar. Devletniñ mudafaa quvetleri, tüm cenk azırlığındadır, mudafaa mavzilerini alıp mudafaa eteler. Vaziyet nezaretimiz astındadır», – resmiy beyanatta bildirilir.

Birleşken Quvetlerniñ reberliginiñ malümatına köre, fevral ayınıñ 24-ünde OS rayonlarında tecavuzcınıñ 5 uçağı ve helikopteri urıp tüşürildi.

Ukraina Fevqulâde vaziyetler devlet hızmetiniñ malümatına köre, ava ateşleri Hmelnıtsk, Dnipropetrovsk, Kıyıv, Poltava, İlbav, Jıtomır, İvano-Frankivsk vilâyetlerinde ve Lutsk şeerinde qayd etildi.

Ukraina Prezidenti Volodımır Zelenskıy, USQniñ, devlet mahsus ve quvet hızmetleriniñ telâş anında azır olğanını haber etti. Milliy telükesizlik ve mudafaa şurası acele rejiminde çalışmaqta.

Daa o, Ukrainanıñ grajdan vatandaşlarını evlerinde oturmağa ve aqrabalarını ne olğanı aqqında haberdar etmege çağırdı.