burger

Ukrain ükümeti, gumanitar felâketnniñ aldını almaq içün quvetli tarzda çalışmaqta

Опубліковано 25 February 2022 року, о 8:39

Ukrain ükümeti, rus işğal orduşarınıñ masştablı ücümi şartlarında gumanitar kelâfetniñ aldını almaq içün elinden kelgeni er şey yapmağa tırışmaqta.

Böylece, bugün Lugansk VDİniñ başı Sergiy Gayday, telükeli rayonlardan ealini tahliye etme tedbirleriniñ devam etkenini haber etti. Bu cümleden, böyle sistema işi “Ukrzaliznıtsâ”nen beraber tüzetildi. Keçenlerde çıñlatılğan trenler ketmekte, amma olarnıñ grafiginde bazı toqtatmalar ola bilir. Resmiy malümatnı oqumaq ve teşkerilmegen menbalarğa işanmamaq kerek. Böyle tahliyeniñ marşrutları da deñişe bilir.

Eñ müim şey, kerekli olsa ve passajirlarnıñ talaplarınen de trenler toqtatacaq.

Sergiy Gaydaynıñ söylegeni malümatqa köre, tünevin Lugansk vilâyetinden mahsus trenler vastasınen üç biñden ziyade insan tahliye etildi, ve umumen fevral ayınıñ 24 kününiñ ortasından başlap demir yol ağı vastasınen arbiy areketler zonasına yaqın bölgelerden 7,6 biñ insan tahliye etildi.

Öksüz balalar ve ozğarğanlar Ukrainanıñ şarqına yollandılar, anda olar qarşılanacaqlar, yerleştirilecekler ve kerekli olğan er şeynen temin etilecekler.

Bilmek kerek ki, ketmege istegenler biletsiz trenge bine bilirler, – dep Sergiy Gayday inandırdı.

Laf, Donetsk vilâyeti aqqında olsa, soñki malümatqa mücibi trenler vastasınen Mariupol şeerinde 1 724 kişi, Bahmuttan 280 kişi, Konstântınivkadan 1 908, Avdiyivkadan 228 ve Pokrovsktan 579 kişi tahliye etildi.

Daa Sergiy Gayday, tecavuzcı tarafından zarar ketirilgen astyapınıñ ğayrıdan tiklenme işleriniñ muntazam tarzda devam etkenini haber etti. Bazı meskün yerlerniñ gaz ve elektrik teminatısız qalmaları pek kritiktir. Şçastâ şeerinde ise merkezleştirilgen suv teminatı toqtatıldı. Yazıq ki, ğayrıdan tikleme tedbirleri, bu bölgelerdeki muntazam ve şiddetli arbiy areketler sebebinden er vaqıt keçirilemez.

Şimdi yardımğa ihtiyac duyğanlarğa yardım etmek içün işğalcilerniñ ateş açqamı topraqlarına Halqara Qırmızı haçnıñ vekillerini yibermegenini hatırlatamız.

#stoprussia