Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Qırmızı Haçnı, BMTni, ATİTnı ve başqa halqara gumanitar teşkilâtlarnı qatılmağa ve tamam felâket zonasında kerçekten yardım etmege çağırdı. Bu cümleden, Lugansk ve Donetsk vilâyetlerinden grajdanlar: qadınlar, balalar, qartlar ve saqatlılar içün gumanitar koridorlarnı açmağa.

O, şimdi anda insanlarnıñ, duşmannıñ total yoq etici ateşi astında olğanını haber etti. İşğalciler, mesken kvartallarnı ateşke tutalar, anda suv ve elektrik teminatı yoq, insanlar er vaqıt suvsız ve aşsız sığanaqlarda qalmağa mecburlar.

“İşğalciler, gumanitar koridorlarnı bermeyerek, halqara gumnaitar qaidelerni bozalar. Men, Donetsk ve Lugansk vilâyetleri içün cevapkâr olğan Vitse-baş nazir olaraq aytmaq kerekim ki, halqara gumanitar teşkilâtlardan, hususan Halqara Qırmızı Haç Komitetinden, BMTnden, ATİTndan daa çoq kerçek destekni ve yardımnı bekley edik”, – dep İrina Vereşçuk bildirdi.

O, mezkür teşkilâtlarğa muracaat etti.

“Öz hadimleriñizniñ telükesizligine yanıqlağanıñıznı añlayım, amma aynı zamanda halqara olaraq tanınğan bitaraf statusıñız sizge, ukrain müessiselerinden, daa çoq telükesizlikni bere“, – dep Vereşçuk hatırlattı.

Tamam bu bitaraf status, halqara gumanitar teşkilâtlarğa, yaratılğanları işni yapma imkânını bergendir.

“Rus ordusınıñ yaratqanı telükesi sebebinden Donetsk, Lugansk ve başqa vilâyetlerinde öz gumanitar missiyasını yapıp olmasañız, bütün dünyağa bu aqqında açıq aydın, resmen ve eki manasız olaraq beyan etmelisiñiz: gumnitar mandatıñıznı kerçekleştirmeñizge kimniñ keder etmegenini bildirmeniziñiz”, – dep memur qayd etti.

“Tamam Donbasta öz işini yapıp olmasañız, avtonaqliyatnen acele yardımnı bermege rica etemiz. Grajdanlarnı tahliye etmemiz içün gumanitar koridorlarnı temin etmemiz içün Donbasta eliñizden kelgeni er şey yapmağa pek rica etem! “, – dep İrina Vereşçuk çağrdı.

“Bugün bu yardımğa ihtiyacımız bar ve bu yardım bizge berilecek. O olacaq ve biz beraber ğalipke doğru ketecekmiz! Ukrainağa şan-şerefler olsun!”, – dep Reintegratsiya nazirliginiñ reberi qayd etti.