«Ukrainadaki rus tecavuzı neticesinde peyda olğan gumnaita meselelerni çezmege em de halqara teşkilâtlar qatılmaq kerek», – dep Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk qayd etti.

«Herson, Jıtomır, Donetsk vilâyeti… Bugün Ukrainada cenkke oğraşmağan bir bölge yoq. Rusiyeniñ tecavuzlı areketlerinden birinciden tınç yaşağan eali – balalar, qadınlar, qartlar zarar körer», – dep müessiseniñ reberi bildirdi.

Daa o haber etti ki, Qırmızı Haçnıñ Halaqara eyyeti ve Dünya sağlık sağlama teşkilâtı öz Twitter saifelerinde beyanatlar yayınladılar. Bu beyanat, Rusiye Federatsiyasınıñ Ukrainağa qarşı başlağanı tecavuzı şartlarında ealige cenk topraqlarında tahliye olmaq imkânı bermek, gumnaita koridorlarnı teşkil etmek kerekligi aqqındadır.

Amma Rusiye cenk qaideleri ve adetlerini ihmal ete. Bunıñ içün gumanitar koridorlarnı teşkil etmesine bütün halqara cemaat qatılacaq.

«Bu da öldürilgen Rus askerleriniñ bedenlerini alıp çıquvnen bağlı»,- dep İrina Vereşçuk añlattı.

Onıñ sözlerine köre, halqara teşkilâtlar bu meseleni çezmege daa qatılmadılar.

«Men er kün Qırmızı Haçnıñ Halqara eyyetiniñ vekillerinen laf etem. Yazıq ki, bu missiyağa azır olğanını köstergen bir tasdıq daa almadıq. Aynı zamanda bölgelerde arbiy-grajdan memuriyetleriniñ vekilleri öz başına gumanitar meselelerni çezmege tırışalar»,- dep añlattı.

Bu cümleden, endi yazğanımız kibi, keçenlerde Donetsk vilâyetiniñ arbiy-grajdan memuriyetiniñ başı Pavlo Kırılenko yardımınen Volnovaha şekeriniñ bir qaç yüz sakini muvafaqiyetnen tahliye etildi. Azıq mahsulatlar, suv, ilâçla ve ilk kerekli şeylerini ketirüvge ayrıca diqqat ayırıla.

«Bu ceryan da devam etecek, oña merkeziy akimiyet te qatıldı», – dep İrina Vereşçuk hulâsa çıqardı.