Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk ukrain cemaatını inandırdı ki, şimdi akimiyet iç bir zaman olmağanı kibi birliktedir ve, devletimiz içün kerekli qararlarnı azırlayaraq ve qabul eterek, monolit taqımı olaraq çalışa. Er kün Nazirler Kabinetimiñ oturışları keçirilmekte, anda acele ve aktüel meseleler çezilmekte. Bu cümleden, insanlarnı endi indekslendirgen pensiyanen, kerekli azıq mahsulatınen, ilâçlarnen temin etüv ve gumanitar felâketniñ aldını alıç kontekstindedir. İnsanlarnı kerekli olğan er şeynen temin etmek içün devletimizniñ esabındaki para yeter, dep reintegratsiya müessisesiniñ reberi qayd ete.

Arbiy areketler bölgesinde gumanitar saadaki eñ acele meselelerden biri, Rusiyeniñ öldürilgen askerleriniñ cesetlerini alıp çıqmağa istememesidir.

“Keçenlerde duşman, gecelemek içün, quvetlerini ve aletlerini Hersondan şeer tışına aldı, aynı zamanda bizim cesür askerlerimiz olarnı “Grad”larnen ateşke tuttılar ve duşman çoq telefke oğradı. Bundan soñ, cinayetlerini gizlemek maqsadınen, bütün gece boyunca öldürilgen ruslarnıñ bedeblerini Qırımğa alıp çıqa ediler. Laf etkenim ve çezmege çalışqanım meselelerden biri, öldürilgen rus askerleriniñ bedenlerini RFna alıp çıqmadır. Çünki biz ne varvarmız, ne de Ordamız. Rus analarınıñ öldürilgen askerlerini almarını isteymiz”, – dep İrina Vereşçuk qayd ete.

Şimdi askerlerniñ analarınıñ rus eyyeti ve başqa kommunikatsiya kanalları yardımınen, şimdi 10 biñ öldürilgenden ibaret olğan Rusiyeniñ Ukrainadaki telefleriniñ kerçek sayısını gizlegeninden içün RFnda isyan dalğası peyda ola. Krem, mında kerçekten ne olğanını gizleyerek kerçek malümatnı yalanğa çevirmekte.

“Rusiyeniñ planı, narazılıq energiyasını putin rejimine qarşı çevirmemek maqsadınen suniy olaraq acı ve ağır yanıqlar meydançığı yaratıp, vatandaşlarını Ukrainağa qarşı birleştirmektir. Bu, tecavuzcınıñ başlağanı kerçek malümat kampaniyasıdır. Ve men jurnalistlerge muracaat etem: işğalciniñ malümat yalanlarınıñ aldını almaq içün eliñizden kelgeni er şey yapıñız”, – dep vitse-baş nazir, medianiñ vekillerini müim işke qatılmağa çağırdı.