burger

İrina Vereşçuk: “Tek Qırmızı Haç gumanitar koridorlarnı temin ete bilir, Rusiye barıştırıcı degil, provokatsiyağa qapılmayıñız!”

Опубліковано 3 March 2022 року, о 15:45

Vitse-baş nazir İrina Vereşçuknıñ teşebbüsinen Ukrainanıñ vaqtınca işğal etilgen topraqlarınıñ reintegratsiya meseleleri nazirligi, ealini RFnıñ silâlı tecavuzından eñ çoq zarar körgen körgen Ukrainanıñ şeerlerinden ve meskün yerlerinden telükesiz tahliye etmek maqsadınen eñ yaqın zaman içinde yeşil koridornı teşkil etmek içün bir qaç halqara teşkilâtlarğa muracaat ettik.

Bu cümleden, bu: Volnovaha, Şçastâ, Stanıtsâ Luganska, Herson, Mariupol şeerleri.

Böylece, Reintegratsiya nazirliginiñ mektüplerini böyle müessiselerge yöneldi:

  • Ukrainadaki Qırmızı Haçnıñ Halqara eyyetiniñ delegatsiyasınıñ başı F. Jılletke: Volnovaha, Şçastâ ve Stanıstâ Luganksa şeerlerinden gumanitar koridrlarnı teşkil etmek ricasınen;
  • Ukrainadaki BMT sistemasınıñ koorinatorı O. Lubranige: Volnovaha, Şçastâ ve Stanıstâ Luganksa şeerlerinden gumanitar koridrlarnı teşkil etmek ricasınen;
  • Ukrainadaki Qırmızı Haçnıñ Halqara eyyetiniñ delegatsiyasınıñ başı F. Jılletke (bir qaç kere): RFnıñ işğal ordusınıñ öldürilgen askerleriniñ bedenleriniñ büyük sayısı sebebinden gumnaitar buhrannı çezmege yardım etmek ricasınen;
  • Kanadadaki ukrain diasporasınıñ cemaatı: gumnaitar yardımnı bermek ricasınen;
  • Ukrainadaki Qırmızı Haçnıñ Halqara eyyetiniñ prezidentine: Herson şeerinden gumanitar koridorlarnı temin etmege yardım etmek ricasınen;
  • BMTnıñ baş kâtibine: ateşlerni bitirmek ve silâlı tecavuz sebebinden eñ çoq zarar körgen Ukrainanıñ şeerlerinden ve meskün yerlerinden gumanitar koridorlarnı temin etmek içün tesir tedbirlerini keçirmek ricasınen;
  • Qırmızı Haçnıñ Halqara eyyetine – öz egidası astında Herson ve Mariupol şeerlerine gumanitar konvoynıñ kermesini (kiriş ve çıqış) temin etmek içün.

«Şimdi bütün quvetlerimiz bu meseleni çezmek içün birleştirildi. Bu halqara müessiseniñ baqılmasına ümüt etemiz», – dep İrina Vereşçuk qayd etti.

Qayd etemiz ki, ukrain ükümeti, ealini beyaz bayraq astında telükesiz tahliyeni temin etmege çabikleştirmek maqsadınen elinden kelgeni er şey yapa. Faqat Rusiye bu ceraynı bloklay ve aynı zamanda bu faktnı red ete.

Yani “yeşil koridorlar”nıñ tek RFnıñ yönelişine olacağı suniy vaziyet, böyle degen “tınç yaşağan insanlarnı qurtarma” resmi yaratılır.

«Tarafımızdan tınç yaşağan ealini tahliye etmege teşkil etmege azırmız. Tek meselemiz – Rusiye bizge bunı yapmağa izin bermey! Şimdi olar malümatnı yalanlaştırmağa azırlaylar. Tek Qırmızı Haç gumnaitar koridorlarnı temin etme bilir, Rusiye barıştırıcı degil, bütün medeniyet dünyanıñ duşmanıdır! Provokatsiyalarğa qapılmayıñız»,-  dep İrina Vereşçuk çağırdı.

Ukrain insanalarını işğalcilerniñ  gradları astında iç kimseniñ taşlamayacağını qayd etmege isteymiz. Bunıñ içün tek ukrain resmiy menbalarınıñ “yeşil koridorlarnı” teşkil etüvge dair malümatına inanmağa rica etemiz.