Şimdi Ukrainağa, başından müsibetlikler keçirip sağ qalmaq içün adil küreşinde ortaq devletleri ve halqara teşkilâtlar yardım eteler. İşğalciniñ Ukrainanıñ ealinen zalımlıq ve insaniyetsizlik areket etme seviyesi olarnı samimiy şok alına ketirdi. Telekanallarından biriniñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

“Keçenlerden başlap Halqara cinaiy makeme, Ukrainağa rus işğali neticesinde cenk cinayetleri ve insaniyetlikke qarşı cinayetlerni tahqiq etmege başladı. Onıñ prokurorı Karim Han, Putinni rus ordusınıñ baş idarecisi olaraq ve Ukrainanıñ grajdan dalışını yoq etme emirlerini bergenlerni mesüliyetke çekmek maqsadınen isbatlarnı aktiv tarzda toplamağa başladı. İşğalci, Gaagadaki aqlı makemeden ve kelecek cezadan qaçınmamalı”, – dep Vitse-baş nazir bildirdi.

Şimdi Ukrainağa qarşı rus silâlı ve sebepsiz tecavuzınıñ mezkür isbatlarnı toplav ceryanı devam etmektedir. İrina Vereşçuk, eñ çoq isbatnı Baş prokuraturanıñ, Adliye nazirliginiñ ve Ukraina TİNniñ liderler olğanlarını añlattı.

“Cenkniñ sekiz senesi boyunca biz rus tecavuzınıñ isbatlarını toplamağa ögrendik. Mezkür halqara tecribeni de ögrendik. Putin rejiminiñ cenk cinayetleriniñ isbatları pek tez ve tolu tarzda toplanmaqta. Rusiyeniñ, halqara aqqa mücibi tolu tarzda mesüliyetlik çekmesi içün yeterli istibatlarımız bar”, – dep Reintegratsiya nazirliginiñ reberi eminligini bildirdi.