Telekanallarınıñ biriniñ canlı yayınında Vitse-baş naziri – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, Halqara Qırmızı Haçnen devletimizde missiyasını yapuvğa dair aytışmalar devam etmektedir. Ukraina, rus işğalcileriniñ bedenlerini cenk toprağından alıp ketirme ceryanına qatılması içün bu teşkilâtqa muracaat etti.

“Aytışmalarımız devam etmekte. Amma olarnıñ muvafaqiyetli olğanını daa aytıp olamam. Faqat, ilk muvafaqiyetlerge irişemiz, Qırmızı Haçnıñ ilk adımları yapıldı. Yazıq ki, Rusiye bizim talabımızğa cevap bermey, olar askerleriniñ bedenlerini almağa red ete. Böylece, daa bir kere halq ögünde RFnı cenk toprağından vatanına biñlerce öldürilgen rus askerini alıp ketirmege çağıramız”, – dep Reintegratsiya nazirliginiñ reberi bildirdi.

Aynı zamanda arbiy areketler bölgelerindeki gumanitar vaziyet felâketlidir.

Rusiye yerli ealini faktik olaraq esir etti. Amma aynı zamanda dünyağa “barıştırıcı” sahte oyunını köstermege istey. Bugün BMTnıñ profil eyyetinde Ukrainadaki şimdiki gumanitar meselelerge dair diñleme oldı.

“Rusiye gumanitar koridorlarnı bloklay, amma aynı zamanda, olarnı bermege azır olğanını söyleyerek alçaqçasına bunı inkâr ete. O, “yeşil” koridorlanıñ tek RFnıñ yönelişine olacağı böyle suniy vaziyetni yarata. İnsanlrğa iç bir saylar berilmeycek. Böylece olar “tınç yaşağan insanlarnı qurtarma” resmini şekillendirmege isteyler. Amma bütün dünya, bunıñ yalan olğanını bile. BMTndaki Rusiyeniñ Ukrainağa qarşı sebepsiz cenk tecavuzına dair rey berüvniñ neticeleri vaziyetniñ böyle doğru añlamasını kösterdi“, – dep İrina Vereşçuk vaziyetni añlattı.

Yazıq ki, rus vatandaşlarınıñ ve atta şimdi RİEDLVnde ve RFnıñ işğal etkeni Qırımda bulunğan insanlarnıñ büyük parçası bunı añlamay.

“Şimdi nazirligimizniñ vazifesi, reintegratsiyadan deokupatsiyanen daa çoq bağlıdır. Kerçekliklerimizde birinciden topraqlarımıznı duşmandan azat etmek, ve bundan soñ ise topraqlarnı reintegratsiya etmek kerekmiz”,- del memur qayd etti.

Şimdi Ukraina ise Halqara Qırmızı Haçtan al etici areketlerni talap etmege devam etmekte. Teşkilâtta, Rusiyenen endi dialog yapqanına inandırdılar. Yani biz ise ameliy neticelerni bekleymiz.