Reintegratsiya nazirligi, İçtimaiy siyaset nazirligi ve Bögleler nazirligi Gumanitar ştabnı teşkil etip Birleşken Milletler Teşkilâtına muracaat ettiler.

Cenk vaziyetinde ukrain hazırlıklarınıñ ve müessiseleriniñ çoqusınıñ faaliyeti pen çoq deñişti.

Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, reintegratsiya müessesesiniñ işinde gumanitar ve malümat vazifelerinden ğayrı şimdi de daa keniş prioritetleri peyda oldı.

“Şimdi ordumızğa yardım etemiz ve İçtimaiy siyaset nazirliginen ve Bölgeler nazirliginen tek platformağa birleşip Gumnaita ştabnı teşkil ettik. Daa halqara meydançıqlarda elimizden kelgeni er şey yapamız. Mında er bir nazir, böyle idare “hab”ı oldı. Biz birleştik ve peyda olğan meselelerni tez çezmek içün öz faaliyetimizni idare etemiz. Er kün Ükümetniñ oturışları keçirilmekte. Biz sadeleştirilgen operativ rejimde çalışamız. Misal içün, yükni naqil etüvni idare etmek ve olarnı gumanitar olaraq tanımaq”, – dep reberi nazirliginiñ şimdiki faaliyeti nasıl idare etkenini añlattı.

İrina Vereşçuk, şimdi Herson ve Mariupol şeerlerinde gumnaitar tarzda eñ qıyın vaziyetlerden biriniñ olğanını bildirdi. Daa em Luganks, em de Donetsk vilâyetleriniñ bazı yerlerinde yardımğa ihtiyac da bar.

“BMTnıñ baş kâtibiniñ adresine mektübimizde bütün bu bölgelerni yazdıq. Mektübimizde arbiy areketler bölgelerden gumanitar tahliye koridorlarını teşkil etmege yardım etmesini rica etemiz. Bu halqara müessisede bu meseleniñ çabik baqıluvına ümüt etemiz”, – dep Vitse-baş nazir daa doğru malümat berdi.