Umumiy ukrain telekanallarınıñ malümat marafonınıñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı. Onıñ sözlerine köre, şimdi kerçek telükemiz bar – laf, ukrain atom stantsiyalarını qorçalama aqqındadır.

«Cenk başlağandan başlap Rusiye Federatsiyasınıñ buna ne qadar mesüliyetsiz yanaşmasını öz közlerimiznen köremiz. Tek kritik astyapı obyektlerini ateşke tutaraq degil, böyle ateşlerni anon yaparaq ta ve olarnı viran etmege devam eterek te. Yazıq ki, amma Avropa ve bütün dünya susıp bunı közetmekte. Hatırlatmağa isteyim ki, telükesiz atom – tek Ukrainağa bağlı olmağan bir şeydir», – dep müessiseniñ reberi bildirdi.

«Meseleni pek yahşı añlaymız, prezidentimiz onıñ aqqında laf etmege yorulmay. Amma ne içündir Rusiyeden qorqutmalarını diñlemek qorqusı, mantıqiy fikir etmekten üstün çıqa», – dep aytıı. Ve qoştı ki, bunıñ içün Budapeşt memorandumınıñ imzazılarına – Ukrainağa telükesizlik kelâfetini bergen AQŞ ve Büyük Britaniya içün – mantıqiy sualler bar.

«Özek potentsialından vazgeçip Ukraina, göñülli olaraq özek silâsında vazgeçken devletke başqa iç bir devletniñ ücüm etmesine izin bermeycek ortaqlarnıñ arqasında ve yanında olğanını bilmeli edi. Bu sualni er bir aytışma meydançıqlarında ciddiy tarzda bermek kerek», – dep İrina Vereşçuk hulâsa çıqardı.