Bu saba, Summı-Poltava yönelişinde tınç yaşağan ealini telükeli zonadan tahliye etmege becergen ve qarşı yönelişte gumanitar yük – azıq mahsulatı ve ilâçlarnı taşınğan gumanitar koridor çalışmağa başladı. Bu, ruslarnıñ şimdige qadar ateşke tutulmağan ilk koridordır. Aktif arbiy işlerniñ devam etkeni ve rus tarafınıñ daa evel kelişilgen añlaşmaşarnı körmemezlikke urğanı başqa tahliye yönelişlerinde vaziyet daa yaramay.
Dünya topluluğuna Mariupol’deki duruma daha yakından bakmaları için çağrıda bulunmak istiyorum, çünkü orada kendilerini tamamen tecritte bulan 300.000’den fazla insan için insani bir felaket yaşanıyor.
“Mariupoldaki vaziyetke daa yaqından baqmaları içün dünya toplulığına muracaat etemiz, çünki anda tamamınen izolâtsiyada bulunğan 300 biñden ziyade kişi içün gumanitar felâket peyda ola”, – dep vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk ayta.
O qayd ete ki, ukrain tarafı, Qırmızı Haçnıñ Halqara eyyetiniñ vastalığınen olarnen muayyen aytışmalarnı muntazam tarzda keçirgenine baqmadan anda ruslar tınç rejimini muntazam tarzda bozalar. Amma insanlar sığanaqlardan çıqar-çıqmaz, rus askerleri olarnı ateşke tutrmağa başlaylar.
Ukrainlerni Rusiyege ve Belarusqa ketmege mecbur etmesi içün RFnıñ tsinik tarzda teklif etkeni böyle degen tahliye variatına dair Reintegratsiya nazirliginiñ reberiañlattı ki, Ukraina böyle stsenariyge izin bermedi, Qırmızı Haç ise bu aqqında da haberdar olmadı.
Rusiye ve Belarusqa açıq koridorlarımız yoq. Ve eger bu olsa, insanlarnıñ serbestligine ve aqqına qarşı yapılğan qanunsız areketlerdir. Ukrainler, biznen kelişilgen, halqara müessiselernen tasdıqlanğan “rus gumanitar marşrutlarınıñ” olmağanını bilmeliler.
Öz bildirmelerinde qayd etkenleri RF Mudafaa nazirliginiñ saytında peyda olğan Kıyıv, Harkiv, Mariupol – bütün yönelişler qanunsızdır. Olar, ıkrain vatandaşlarınıñ ve yabancılarnıñ ayatı ve sağlığı içün telükelidir.
Elbette, acele tahliyege ihtiyac duyğan er kesni bir kün içinde telükesiz yerlerge ketirip olmaymız, çünki buña yüz biñlerce insan ihtiyac duya. Daa ruslar, tahliyeni temin etecek avtobuslarnı yoq eteler. İnsanlarnıñ Mariupolda qalmaları ve açlıqtan ölmeleri içün elinden kelgeni er şey yapalar.
“Tünevin Mariupolda bir bala kerçekten suvsuzlaştırma sebebinden öldi. Tüşünem ki: dünya, Ukrainada ne olğanına ve Rusiyeniñ grajdan ealinen özüni nasıl tutuqanına diqqatlıca baqmalı. Qırmızı Haçnıñ Halqara eyyeti tasdıqladı ki, ruslarnıñ yapqanı mezkür bozmalar, halqara kriminal cinayettir“, – dep İrina Vereşçuk haberdar etti.
Vitse-baş nazir ayttı ki, insanlarnı tahliye etip olmaycaq olsaq, ukrain akimiyeti gumanitar yüknen bu yerlerge küç-quvetni qullanaraq ketmege tırışacaq. Bu şimdi Mariupol içün yapılacaq, anda vaziyet pek qıyındır.
Daa İrina Vereşçuk haberdar etti ki: Rusiye şimdige qadar Kıyıv vilâyeti içün Bila Tserkva yönelişinde ve daa Ğarpqa gumanitar tahliye marşrutını tüşünmege red etmekte. Qırmızı Haç, bu variantnıñ telükesizligini tasdıq etmemektedir. Memur, şimdi bu meseleni çezmek içün çalışqanlarına inandıra. Daa o, telükesiz gumanitar koridorlarnı teşkil etmek içün dünya cemaatını çekmege devam etecegina aktsent yaptı.