burger

«Babın Yarnı raketalarnen bobmalandırğanlar bizge “faşist” deyler» – İrina Vereşçuk

Опубліковано 9 March 2022 року, о 18:09

Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk tecavuzcı bir devletniñ qullanğanı provokatsion çalımlar ve qabul etilmegen tesir aletleri aqqında añlattı.

«Ukrain cemaatında biñden ziyade seneler devamında pravoslavlar, musulmanlar, katolikler, protestantlar ve başqa dinlerniñ ve milletlerniñ temsilcileri tınç tarzda yaşağan ediler. XXI a. böyle meseleler asla peyda olmamalı, – dep qayd etti. – Bunıñ yerine Rusiye, halqımıznı til, din ve başqa hususiyetlerge köre bölmek içün er şey yapa».

Rusiye Federatsiyası, kerçekten inanğan insanlarnıñ duyğularını aldataraq, rus tilinde qonuşqan ealiniñ ve Moskva patriarhlığınıñ kilsesiniñ zulumı aqqında laflarnı esir aletleri olaraq qullana, dep İrina Vereşçuk bildirdi.

“Bizge faşistler deyler, amma özü dünya manasında büyük bir facianıñ yeri olğan Babın Yarnı bombalandıralar. Kerçekten de tamam böyle yolnen Putinge avropa devletleriniñ ayatına bozğunlıqnı kirsetmege izin berecekmizmi? Kerçekten de soñ yetmişten ziyade sene devamında insanlıqnıñ qaçqanı şeyge dönmege musaade etecekmizmi?» – dep İrina Vereşçuk dünya cemaatına sual berdi. Ukrainanı rus tecavuzcısınen cenkte desteklemege çağıra.