Bugün saat 9-dan 21-ge qadar ealininiñ abriy areketler olğanı meskün yerlerden tahliyesi devam ete. RF, Ukrainanıñ teklif etkeni marşrutlarnı tasdıqlağanını haberdar etti, dep brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk añlattı. Onıñ sözlerine köre, bu kün bu saatler devamında askerler ateş açmamağa razı oldılar.

«RFna muracaat etem! Saba 9-dan 21-ge qadar ateş bitirmek içün resmiy halq ögündeki mecburiyet berdiñiz. Böyle mecburiyetler çalışmağanda zaten menfiy tecribemiz bar. Bu, Mariupol-Zaporijjâ ve Volnovaha-Pokrovsk koridorlarıdır. Maña Volnovahanıñ sakinleri muracaat eteler ve bugün sözniñ yerine ketirimesini ve insanlarnıñ şimdi yazıq ki “Grad”larnıñ viran etken ateşlernen qaplanğan yaşayış yerlerini taşlaya bilmelerini isteyler. Biz, RF silâlı quvetlerini, mecburiyetlerine riayet etmege ve añlaşqanımız kibi ateş açmamağa rica etemiz!» – dep İrina Vereşçuk çağırdı.

Böylece, bugün insanlar böyle gumanitar koridorlar vastasınen tahliye etilecek:

– Volnovaha-Pokrovsk

– Enerğodar-Zaporijjâ

– Sumı-Poltava

– Mariupol-Zaporijjâ

– İzüm-Lozova

– Vorzel-Buça-Borodâka-İrpin-Gostomel-Kıyıv.

Şimdi 55 bala ve 26 hadim bulunğan Vorzelden (Kıyıv vilâyeti) «Malâtko» bala evinden tahliye ayrı bir operatsiya olacaq, dep İrina Vereşçuk haberdar etti.