«1+1» telekanalınıñ canlı yayınında Vitse-baş nazir – Ukrainanıñ vaqtınca işğal etilgen topraqlarının reintegratsiya meseleleri naziri İrina Vereşçuk bunı qayd etti.

«Herson vilâyetiniñ şeerlerine gumanitar yüklerni ketirmege rica etemiz. İnsanlarımızğa yardım etecek çoq azıq mahsulatı ve kerekli şeyler bar, amma Rusiye koridornı açmay. Olar, tek Belarus ya da RFna ketken yollarnı açalar. Bu qabul etilemez! Çünki bu yollar, ketirecekleri askerleri, arbiy tehnikası vastasınen öz mevamlarını pekitemeleri içün qullanılacaq»,  – dep İrina Vereşçuk ayttı.

Onıñ sözlerine köre, Ukraina bunı ne arbiy, ne de siyasiy ceetten yapacaq, çünki er bir ukrainlı, RFnıñ “barıştırıcı” yalan köstermesi içün vatandaşlarımıznı reineler olaraq qullanacaq duşmannıñ toprağına ketmege istemey.

«Buna izin bermeycekmiz, insanlarnıñ qayda keteceklerine özü qarar berecekleri koridorlarnı tek Ğarbiy Ukrainağa talap etemiz. Qayd etem, Rusiye – duşman, işğalci ve tecavuzcıdır!», – dep İrina Vereşçuk hulâsa çıqardı.