Avropa kütleviy haber vastalarına intervyü vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

«Dünya cemaatından biz, belki de, adiy, amma aynı zamanda pek qıyın qararlarnı bekleymiz, – dep ayttı. – Avada üstünligimiz yoq. Rus ordusı sayı ceetinden ziyadedir. Uçaqlar, raketalar ve bomba sayısı ceetinden. Ve eger dünya cemaatı bizge bu meseleni çezmege yardım olmasa, bir fırsatımız olmaycaq».

Onıñ sözlerine köre, şimdi silânı tutaraq Ukrainağa ve vatandaşlarına devler ve millet olaraq tam manasınen vaqianı başından keçirip sağ qalmağa yardım etken qadınlar ve erkekler insan üstü küç-quvetini qoyalar. Amma öz başına duşmanğa qarşı turmaq pek qıyındır.

«İlk baqışta, kökni qapatmaq qolay bir qarar, faqat ameliyatta tam aksinedir, – dep Vitse-baş nazir añlattı. – Dünya cenkleri bütün tarihında bu tür tek bir qaç vaqia olğan: İraq, Bosna ve Hersek, Libiyada edi. Faqat ava başluğınıñ qısmiy qapatılması AQŞ, NATO ya da böyle bir qarar bergen er angi bir devletniñ çatışma tarafı olğanı manasına kelecektir».

Amma, onıñ fikrince, başqa bir yol bar. Ortaq devletlerniñ Ukrainanı qorçalama altlerinen temin etmesini istey – ava qorçalama sistemaları, cenk uçaqları vb. O zaman Ava Quvetlerimiz imkânsıznı yapacaq. Olar, tek Ukraina üzreinde degil, aynı zamanda bütün medeniy dünyanıñ devletleri üzreinde de qurtaracaq.