burger

«Avamıznı qapatmağa yardım etiñiz, demokratiya ve serbestlikni qurtarıñız!» – İrina Vereşçuk dünyanıñ halqlarına muracaat etti

Опубліковано 10 March 2022 року, о 17:21

Bugün brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri, tünevin açılğan gumanitar koridorlarnıñ eki künlik işinin neticeleri aqqında añlattı.

Böylece, onıñ sözlerine köre:

  • Sumı, Trostânets, Krasnopillâ şeerlerinden Poltava tarafına bu kün içinde 60 biñden ziyade qadın, bala, az mobil olğan, qart insan ketirildi.
  • İzüm şeerinden Lozova (Harkiv vilâyeti) şeerine tahminen 3000 insan ketirildi. Daa İzümge kerekli yardım – ilâçlar, azıq mahsulatı, suv vb ketirildi. Bu yüzden ziyade tonnadır.
  • Buça, İrpin, Gostomel, Vorzel şeerlerinden eki kün içinde tahminen 20 biñ kişi çıqarıldı.

«Tahliye şimdi de devam etmektedir. Vorzelde yardım etken er keske teşekkür bildirem, çünki tünevin bala evi tahliye etildi ve bizim 52 balamız sıcaqlıq ve telükesizlikte buluna. Daa Vorzeldeki loqsahane tahliye etildi. 55 loqsa endi telükesiz bir yerde buluna ve ordumıznıñ ğalibini bekley», – dep irina Vereşçuk qayd etti.

Energodan şeerine 100den ziyade tonnalıq yardım ketirildi.

Aynı zamanda İrina Vereşçu bu eki kün içinde teşkil olamağanlarını da añlattı.

«Yazıq ki, yapamağanımız şeyler aqqqında haberdar etmelim. Volnovaha – Pokrovsk. Mart ayınıñ 5-inden başlap bu gumanitar koridornı açmağa tırışamız, faqat yapamaymız. Amma öz küç-quvetini qullanaraq taqımımıznen deyerlik imkânsız şeyler yapqan Pavlo Kurılenko ve Sergiy Gayday – Donetsk ve Lugansk AGMleriniñ reberleri kibi insanlar bar.  Olar yasaqqa baqmadan, bu ceryannı bozğanlarnıñ cevapkârsızlığına baqmadan insanlarğa yardım eteler», – dep Vitse nazir qayd etti.

Daa o, er vaqıt kommunikatsiya etken ve bütün meselelerni çezmege yardım etken Kıyıv ve Poltava, Harkiv, Sumı VDİniñ reberlerine işi içün teşekkür bildirdi.

Faqat ne yazıq, eñ büyük mesele daa gumanitar felâket olğanı Mariupol şeeri qala.

«Er bir daqqa laf etecegim ve dünyağa bağıracağım eñ büyük acımız – bizim Mariupolımızdır. Anda gumanitar felâkettir. O yerge daa bir kere gumanitar yükni bile ketiremedik, ne suv, ne ilâçlar, ne azıq mahsulatı şimdi total ateşler astında olğan insanlarğa ketirilmedi. Loqsahaneni viran etken uçaq ücümlerini bütün dünya kördi, bunı bütün devletlerniñ liderleri köreler.»

İrina Vereşçuk daa bir kere devletlerniñ liderlerine ve olarnıñ halqlarına, Ukrainada gumanitar koridorlarını temin etmesi ve avanı qapatması talabınen muracaat etti.

«Daa bir kere devletlerniñ liderlerine muracaat etmege isteyim ve halqlardan talap etem, çünki añlayım ki, tamam leh, amerika, britaniya halqlarınıñ büyük yüregi, yañı qaidelerge köre yañı dünyanı qurmaq samimiy istegi bar. Akimiletleriñizge, Ukrainadaki gumanitar koridorlarnıñ işlenmesine yardım oluñız, Ukraina üstünde avanı qaparmağa yardım etiñiz ve demokratiya ve serbestlikni istegen bir halq olğañıznı duydurıñız», –  dep Reintegratsiya nazirliginiñ reberi hulâsa çıqardı.