Tecavuzcınıñ Mariupoldaki viran etilgen loqsahaneden hamilelernen sanalaştırıluvğa dair nevbetiy yalannı doğru olmağanını isbatlaymız.

RF, tez bir effekt almaq içün er bir yasaq etilgen ve pis usullarnı qullanaraq Ukrainağa qarşı tam malümat cenkini yürüte.

Tsinizm üstü: ruslarnıñ sanki yalan haberlerni red etken “feyklerge qarşı leyhası”. Kerçekten de bu, “doğunıñ yarı” qaidelerine mücibi çalışqan malümat cinayetçileriniñ ihtisaslı aletidir.

Bu nasıl ola? Er şey qolay. Doğrunıñ tek bir parçası añlatılır (yani bir vaqianıñ olmağanını red etmez), aqiqat kerekli yolunen bozıp kösterilir, “inandırıcı” yalan qoşulır ve azır. Baş vazife: tecavuzcınıñ tüm cinayetlerini “barıştırıcılar”nıñ qaramanlıqqa yaratmaqtır. Gizlenemegen facialarda ukrainler ve Ukrainanı qabaatlamaqtır. Aynı zamanda – “qıyış küzgü” printsiplerine köre faykniñ tarqatılmasında tamam Ukrainanı qabaatlayaraq malümatnıñ alıcılarını aqiqiy malümatqa inanmamağa mecbur etmektir.

Bu kere propaganda mediaları ve mosvka “jurnalistleri” nevbetiy sanki Ukrainanıñ bergeni “feyk”ni doğru olmağanını isbatladı.

Ukrainanıñ vaqtınca işğal etilgen topraqlarınıñ reintegratsiya meseleleri nazirligi, “NotaYenota” ihtisasiy faktnı teşkericilerinen beraber vaziyetni añlap işğalcilerniñ nevbetiy yalanını doğru olmağanını isbatlamağa azırmız.

Ne oldı? 

Mart ayınıñ 9-ında rus işğal orduları artücümlerinen Mariupoldaki №2 loqsahaneni viran ettiler. İlk malümatqa köre, loqsahanege uçaq ücümi soñ 17 kişi yaralandı.

AssociatedPress malümat agentligi, resmiy menbalardan ğayrı, viran etilgen loqsahaneniñ fotoresimlerini yayınladı. Halqara neşirlernen çalışqan fotografçı Yevgen Maloletka olarnı çekti.

Şu anda rus böyle degen “feyklerge qarşı” leyhasında ve bir qaç blogerler ve neşirlerniñ meydançıqlarında “aqiqiy” malümat peyda oldı. Anda söylendi ki, viran etilgen loqsahaneden ketken hamileler – … rejissörlıq etilgen spektakldir. Çünki bütün dünyada belli olğan fotodaki hamile qanlı qadın – güzellik blogeridir.

Şimdi ise qollarni nezaret etiñiz. Fotodaki qadın Marianna Podgurska adlı kerçekten güzellik blogeridir. Ve aynı zamanda o hamiledir. Ve o Mariupollıdır. Onıñ Imnstagram saifesinde onıñ hamile olğanını körmemek qıyındır. Fevarl ayınıñ 28-inde yapılğan onıñ soñki yazısı: “Qızmı oğlanmı?”. Bundan evel – Mariupoldaki sığanaq yerleriniñ cedvelinen yazıdır. Aynı malümatnı öz telegram-kanalında da yayınladı. Yani, Mariupoldan bloger mına-mına doğuracaq edi.

Faqat propaganda mediası, qadınnıñ loqsahanede bulunamağanını, çünki anda “Azov” polkınıñ bulunğanını añlattı. Boş sözlerden ibaret olğan manasız bildirmeden ğayrı başqa isbatlar yoq. Çünki rus “feyklerge qarşılıqçıları”, qavğanı red etmek ve öz canavarlanğan ordusınıñ insanlıqqa qarşı cinayetini – hamile qadınlar ve doğurğan bulunğanı loqsahaneni ateşke tutmasını – örtmek kerek.

Propagandacılarnıñ bergeni daa bir delili: fotoda tek bir qadın “grimlengen”dir – zarar körgenlerniñ çoqusı, sabiyler yoq. Amma bu da yalandır.

Mında sediyelerde ketirilgen başqa qadın kösterile (ve, söz sırası, bu kardnı da bütün dünya kördi): mında daa bir hamile qadın.

Mında viran etilgen loqsahaneniñ ve anda bılınğan insanlarnıñ daa bir qaç fotoresimleri.

Oquğan, diñlegen, Ukrainadaki vaqialarnen meraqlanğan ve qasevet etken er keske muracaat etemiz: malümatqa kritik tarzda baqmağa ögreneyik. Aqiqatnı ve quru delillerni ustalıqnen ve tsinik olaraq tüşünip çıqarılğan yalandan farqını körmege ögreneyik! Tahliye vaqtında arqağa ateşlernen balalar, qadınlar ve qartlarnı öldürgenlerniñ, hastahanelerge ve loqsahanelerge bombalarnı atqanlarnıñ sözlerine inanmayıq. Aqiqatnı qıdırayıq!