“Kerçek vaqıt” telekanalınıñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

Onıñ sözlerine köre, Rusiyeniñ añlaşmalarnı bozğanı sebebinden Mart ayınıñ 11-inde keçken künlerden tahliye daa yahşı tarzda keçirildi. 12 planlaştırılğan gumanitar koridordan tek dört işledi.

«Naqliyat sırasınıñ yolunda rus orduları er vaqıt ateşler aça ediler, – dep haberdar etti. – Buña baqmadan, keçken bir qaç kün içinde telükesiz zonalarğa 125 biñden ziyade kişini tahliye ettik. Esasen bu qadınlar, balalar, hasta ve qart insanlardır. Gumanitar qarşılama planına mücibi, köçip kelgenler Ukrainanıñ telükesiz bölgelerine, ya da onıñ isteğine köre çet devletke yönetilir».

Vitse-baş nazir qayd etti ki, rus tarafınıñ kefaletleri sşimdige qadar muntazam olmağandır ve tek Prezident ve Baş Nazirniñ şahsiy ğayretleri yardımınen berilir.

«Evden bergenimiz ariza bile muvafaqiyetni kefalet etmey, – dep qoştı. – Çünki koridorlarnı açma, işğalcilerniñ arbiy areketler bölgelerdeki tahliye vaqtında vaziyeti ve alına doğrudan-doğru bağlıdır».