Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşuk, işbirlikçilerniñ uzun yıllardır apishanede oturacağını qayd etti.

O, bu cümleden, işüalvilerniñ Melitopol şeeriniñ başınıñ yerine tayinlegeni Ğalına Danılçenko aqqında ayttı. Melitopolnıñ kerçek başı çalınıp azatlıqtan marum etildi. Daa belki Danılçenko hanımnıñ arqasında belki turğan ve işğalcilernen işdeşlik yapqan Yevgen Balıtskıy aqqında añlattı.

«Ğalına Danılçenko, bir “Halq mebuslar şurası”nı teşkil etmek kerekligini ayta. Yani olar rus ordularınen işdeşlik yapmağa tırışalar, – dep İrina Vereşçuk hulâsa çıqardı. – UTH bunı bile. UTH, Ğalına ve vaziyetni yaramaylaştırmağa tırışacaq er kesniñ arqasında belki UYŞnıñ Bölgeler fırqasından sabıq mebusı Yevgen Balıtskıynıñ turğanını şeklene. Tamam şimdi tenbilemege isteyim: bu 2014 senesi degildir. Ceza qanunnamesini açıñız ve keçenlerde kirsetkenimiz deñişmelerge baqıñız. Hususan – apishanede ne qadar çoq oturacağıñızğa. Biz açıq-aydın çalışamız. İnanıñız: epimiz er şeyni bilemiz. Balıtskıy bey şimdi işğalci akimiyetinen nasıldır işdeşlik yapa bilecegini, tarafsız qalacağını ve soñ onı temsil etecegini tüşünse, o pek yañlışa», – dep Nazir qayd etti.

O emindir: Hersonlılar, işğal ordurlarınıñ topraqlarını işğal etip vaqtınca öz siyasiy nizamnı kirsetmege tırışqanını añlaylar. Ve bu qanunsızdır.

“Daa bir kere tekrar etem: bu 2014 senesi degildir. Tecribemizge köre areket etecekmiz. Ve, inanıñız, ukrain devletiniñ toprağınmızda “HHC”ni ya da başqa bir “HC”ni teşkil ete bilecegi tüşüngen kişilerge zarar berilecek!”, – dep İrina Vereşçuk qayd etti.