Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk gumanitar koridorlarnıñ işiniñ neticelerini bildirdi. Umumen, planlaşqanımız 14 koridordan şimdi tek 9 işledi. Aynı zamanda, mart ayınıñ 12-sinde deyerlik 13 biñ, 11-inde ise tahminen 7 biñ vatandaş qurtarmağa becerdik.

Sumı şeerinden tahminen 8 biñ insanğa çıqmağa yardım ettik. Krasnopillâ, Konotop, Lebedına, Velıka Pısarivkadan mart ayınıñ 12-sinde deyerlik 3 biñ insan tahliye etldi.

Zaporijjâ vilâyetiniñ Energodar şeerinden koridor işlemedi: işğalciler, evelden añlaşmalarımızğa baqmadan, Vasılivkadaki blok noqtasında gumanitar yük sırasını toqtatıp keçirmediler. Sırası anda gecelemege qaldı ve saba yañıdan nasıp yerine ketecek edi.

“Energodarnen hoş olmağan bir adise oldı: tünevin o yerge gumanştar yük ketirildi, amma şeerniñ reberliginiñ sözlerine köre, rus işğalcisi onı qısmen çaldı, – dep İrina Vereşçuk haberdar etti. – Gumanitar yardımnı bölgenlerge murzacaat etem: bunı pek tez yapıñız, gece içün işni qaldırmañız!”

Kıyıv vilâyetindeki koridorlar qısmen işledi. Vorzel ve İrpin – tırışmamız muvafaqiyetli olmadı. Faqat Buçadan deyerlik biñ kişi tahliye etmege becerdik. Reintegratsiya nazirliginiñ reberi, mart ayınıñ 12-sinde qart insanlarnıñ yaşağanı “Komfort – Layf” evini tahliye etmege yardım etken ukrain Qırmızı Haçına teşekkür bildirdi. Olarnı baqılacaq telükesiz yerge ketirmege yardım etmek içün çoq muracaat bar edi.

Gostomelden 600 vatandaşımız tahliye etildi. Kozarovıçi koridorı işlemedi, Borodânkada ateşler açılğan edi ve insanlarğa ketmek imkânı olmadı. Yarım ealini tahliye etmege ıntılacaqmız. Nemişayeve şşqdan 1264 kişini çıqarmağa ıntılacaqmız.

“Er keske – FVDHniñ, “Ambulans”nıñ hızmetçilerine, qoşulğanlarğa teşekkür bildirem”, – dep Vitse-baş nazir qurtarma operatsiyasınıñ iştirakçilerine mııracaat etti.

Daa İrina Vereşçuk Rusiye Federatsiyasına FVDHnıñ hızmetçisi Oleksiy İgorovıç Dançenkonı acele tarzda azat etmek talabınen muracaat etti. O, resmen kelişilgen cedvelde ealini Ğostomelden tahliye avtobuslarınıñ ozğarğanı olaraq qayd etildi. Amma rus tarafı endi eki kündir onı qanunsız olaraq tutmaqta.

“Tutmanıñ sebebi – o cep telefonınen laf ete edi – qabul etmeymiz. Onı eñ tez tarzda azat etmesi içün elimizden kelgeni er şey yapacaqmız”, – dep memur qayd etti.

İrina Vereşçuk em mart ayınıñ 13-inde Lugansk ve Kıyıv vilayetlerinde, em de Zaporijjâdan Berdânsk boyunca Mariupolğa kelecek tahliye marşrutlarını añlattı.