Mart ayınıñ 13-ünde 14 gumanitar koridor planlaştırıldı, faqat olardan tek 9-ı çalıştı. Brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk bunı añlattı.

Kıyıv vilâyetinde 3950 kişi qurtarıldı

● Borodânka şeeri – üçünci kereden koridornı açıp 600 kişi qurtara ve Jıtomırğa yollay bildik.

● Barışiv VDCnıñ Peremoğa köyü – kergin aytışmalar neticesinde 1000 kişi azat etildi. Saba işğalci öz mecburiyetlerine riayet etmey ve insanlarnı sığanaqlarğa qayttıra edi.

● Velıka Dımerka köyü – 375 kişi tahliye etildi, olardan 198-i ise balalar.

● Buça şeeri – 600 sakini qurtarıldı.

● Dımersk VDCnıñ köyleri – umumen ateşten 1000 kişi çıqarıldı.

Lugansk vilâyetinde 1600 tınç yaşağan sakin qurtarıldı, bu cümleden:

● Lısıçansk şeeri – 400 kişi tahliye etildi.

● Rubijne şeeri – 350 sakini.

● Severodonetsk şeeri – 600 kişi.

● Kreminna şeeri – 250 kişi telükesiz yerlerge yollandı.

«Umumen bugün muntazam ateşlerden 5500den ziyade kişi çıqarmağa becerdik. Aynı zamanda Rusiyeniñ tınç rejimini bozğanı ve kelişkenimiz añlaşmalarğa riayet etmegeni içün beş meskün yerde gumanitar koridorlar işlemedi», – dep İrina Vereşçuk hulâsa çıqardı.

Bu cümleden:

● Mariupol – tahliye olamadı.

«Bütün kün boyunca şeer ateşlerden ve uçaqlardan bombalardan zarar köre edi – amma gumanitar yük böyle bloklanğan da qaldı”,- dep İrina Vereşçuk añlattı.

Onıñ sözlerine köre, mart ayınıñ 12-sinde Zaporijjâdan çıqqan Mariupoldan tahliye içün avtobuslar sırası bugün total ateşler sebebinden marşrutqa çıqmap Berdânsk şeerinde qaldı.

“Endi yarın sabab tuvğan Mariupolğa ketmege, irişmege daa tırışacaqmız», – dep Nazir qayd etti.

● Popasna, Şçastâ şeerlerinden ve Girske qasabasından tahliye, işğalcilerniñ muntazam ateşleri sebebinden olamadı.

● Zaporijjâ vilâyetiniñ Poloğı şeeri – RFnıñ muntazam ateşleri sebebinden bloklanğan qaldı.

Daa İrina Vereşçuk daa bir kere, ukrain akimiyetiniñ, tecavuzcınıñ qanunsız olaraq azatlıqtan marum etkeni kişilerni azat etmelerini talap etkenini qayd etti.

«İşğalcilerniñ eserliginde qanunsız olaraq qalğan insanlar aqqında aytmağa isteyim. Bu cümleden – Melitopol şeeriniñ başı İvan Fedorov. Daa işğalcilerniñ bugün saba çalğanı Dniprorudensk şeeriniñ başı Yevgen Matviyevniñ taqdiri belli olmay. Duşmannıñ esirliginde sıranıñ ozğarğanı olaraq qayd etilgen ve işğalcilerniñ onı azatlıqtan marum etkeni yerde olmaq ruhsetine saip olğan qurtarıcı bulunmaqtadır. Laf Oleksiy Dançenko aqqındadır. Ve biz daa bir kere olarnı acele tarzda azat etmelerini talap etemiz», – dep qayd etti.

Soñundan İrina Vereşçuk energetikacılarğa teşekkür bildirdi. Tamam olar içün ÇAES – Lisova koridorı teşkil etildi. Tamir işleri üç kün devam ete edi.

“Ukrenergo ve Energoatomdan bizim enegetikacılarımız, öz ayatlarını ve sağlığını muhatarağa atılaraq, bütün Avropağa telükege tüşürgen özek kelâfetini yoq ete bildiler. Siznen ğurur etemiz!»- Vitse nazir qayd etti.