Tek telemarafonınıñ canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnıñ işiniñ neticelerini añlattı. Olar vastasınen 140 biñden ziyade kişi qurtarıldı.

Bu cümleden, Donetsk vilâyetiniñ Vuğledar şeeriniñ deyerlik ekü yüz kişi, üçte biri balalar, tahliye etmege becerdik. Daa 75 bala Kramatorsk “Antoşka” bala evinden tahliye ettik.

Umumen mart ayınıñ 13-ünde 10 gumanitar koridor çalışa edi.

Zaporijjâdan qırşavlanğan Mariupolğa ketken gumanitar yardım yükünen sıra eñ çoq beklengen oldı. Yazıq ki, avtobuslar ve yük maşmaları Berdânskta qaldılar. Faqat yarın Mariupollılarğa ketmek daa bir ıntılmamız olacaq.

İrina Vereşçuknıñ qayd etkeni kibi, bu sıra pek çoq grajdannıñ can bergeni Mariupolğa ketemedi. Tahliyeni keçiremedik – ruslar şeerni daa bir kere avadan ücüm ettiler.

“Bizge Yunanistan, Türkiye, ATİTnıñ missiyası ve Qırmızı Haçnıñ Halqara eyyeti vatandaşları, işçilerini qurtarmaq ricasınen muracaat eteler, biz ise, ukrain tarafı olaraq, anahtarnıñ Putinniñ ellerinde olğanını añlaymız. Ve Mariupolnıñ sakinleriniñ qanı bu ellerindedir”, – dep Reintegratsiya nazirliginiñ reberi hatırlattı.

Aynı zamanda o, Bazar künü Kıyıv ve Lugansk vilâyetlerindeki gumanitar koridorlarnıñ çalışqanını qayd etti: telükesiz yerlerden biñlerce insan ketti. Endi mart ayınıñ 14-ünde Ukraina yañıdan Mariupolğa yardımnı ketirmege ve Kıyıv ve Çernihiv vilâyetleriniñ bazı meskün yerlerine tahliye koridorlarını teşkil etmege tırışacaq. Çernihiv vilâyeti laf olsa, şimdi telükeli zonalardan telükesiz marşrut tapılmaqta.

“Bugün biñlerce insan, Putinniñ devletemizni çezirgeni ceennemden çıqa bildi. Umumen endi 140 biñden ziyade insan qurtarıldı”, – dep İrina Vereşçuk tahliye kampaniyasınıñ şimdiki neticesini bildirdi.