ICTV telkanalınıñ aqşam canlı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, gumanitar koridorlarnıñ işiniñ o kün neticelerini añlattı. O, deyerlik 13 biñ kişiniñ tahliye etilgenini ve evelki künge köre bunıñ deyerlik eki qaat daa çoq olğanını haberdar etti.

Memur, rus orduları tarafından ateşke tutulğan qadınlar ve balalarnen sıranı Kıyıv vilâyetiniñ Barışıv rayonınıñ Peremoğa köyünden tahliye etmek ıntılması vaqtında olğan facialı vaziyetniñ tafsilâtını ayrıca añlattı.

Mudafaa nazirliginiñ Hafiyelik baş idaresiniñ malümatına mücibi, Peremoğa köyünden insanlarnıñ telükesiz tarzda qullana bilecekleri kelişilgen ve qorçalanğan gumanitar koridor yoq edi.

“Askerlerimiz bu marşrutnı qabul etmediler, çünki o kerçekten telükeli edi. Beki, zarar körgen ya da öldürilgen qoranta ya da insanlar öz başına böylece kete ediler. Bunıñ içün vatandaşlarımıznı, kütleviy haber vastalarınıñ resmiy menbalarınıñ ve ukrain akimiyetiniñ bergeni malümatnı oqumağa ve diñlemege pek rica etem. Açıq gumanitar koridor daa telükesizdir. Bu yüz faizli telükesizlik degil, amma bir kefalet bar. Olmasa, lütfen, muhatarağa atılmañız, resmiy malümatnı bekleñiz”, – dep Reintegrtasiya nazirliginiñ reberi vatandaşlarnı tahliyeniñ resmiy algoritmine köre areket etmege çağırdı.