Mart ayınıñ 14-ünde “Ukraina 24” telekanalınıñ cankı yayınında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, tahliyeniñ neticelerini bildirdi.

Lugansk vilâyetindeki gumanitar koridor vastasınen insanlarnı tahliye ete bildik. Kıyıv vilâyetinde vaziyet daa zod edi.

Bu cümleden, Brovarı yönelişi işlemedi, dep İrina Vereşçuk daa doğru malümat berdi. Alğanım malümatqa köre, bazı marşrutlar boyunca ateşler eşitile edi. Amma, bahtına, öldürilgenler yoq. Er bir alda bu, k evelden kelişilgen ve Qırmızı Haçnen tasdıqlanğan añlaşmalarnı bozmadır.

«Berdânsktan çıqqan ve Mariupolğa ketken sıra daa baracaq yerine yetmedi, – dep Vitse-baş nazir haberdar etti. – Rusiye Federatsiyası Mudafaa Nazirliginiñ tarqatqanı malümat doğru olmay. Mariupolğa iç bir gumanitar yük ketirilmedi. Olar alâ daa yolunda, bunıñ içün ateşni bitirmege temin etmesini ve bloklanğan şeerge yükke yol bermesini talap etemiz».

İrina Vereşçuk, bazı insanlar şahsiy maşnalarnen Mariupoldan ketip endi Berdânsk şeerine yettiler.

«Berdânsktan Manğuşqa ve Mariupolğa ketken aydayıcılar bu sıranı köre ediler. Mariupollılarnen laf etip qorqunç şeylerni ögrendiler. İşğal etilgen şeerde insanlarnıñ suv tamam topraqtan içmege mecbur olğanlarını, aş içün küreşlerni ve başqa çoq qorqunç şeylerni»,- dep İrina Vereşçuk añlattı.

Bütün dünyanıñ Putinge yükümizni Mariupollılarğa üleştirmesi içün mümkün olğan er şey yapmaq kerekligimizni qayd etti. Ve qaytqanda birinciden qadınlarnıñ, balalarnıñ ve qartlarnıñ o ceennemdem çıqarılmasına izin vermek.