Ukrain ve yabancı KHV içün brifing vaqtında Vitse-baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk haberdar etti ki, şimdi deyerlik 150 biñ kişi gumanitar koridorlarnı qullana bildi ve Putinniñ yaratqanı ceenneminden çıqıp endi telükesiz yerde bulunmaqta.

Aynı zamanda, o ayttı ki, umumen ceryan pek qıyın olaraq inkişaf ete, çünki tecavuzcı öz mecburiyetlerine, ateş bitirme rejimine raiyet etmey. Böylece, çoq insan telükeli yerlerde qala. Atta tam imayeni kefalet etmeli olğan gumanitar koridorlada bulunğanda. Şimdiki tahliyeniñ şu andaki neticeleri bugün aqşam saat sekizden belli olacaq. Amma şimdi de añlaşılır: o pek qıyın kete.

“Şimdi bütün gumanitar koridorlar çalışmay. Böylece, Kıyıv vilâyetinde ateşler mania oldı  – işğalci ateş bitirme rejimini riayet etmey”, – dep Reintegratsiya nazirliginiñ reberi añlattı.

Medianıñ brifingde sorağanı qıyın daa bir mesele, – cenk sebebinden Ukrainadan ketemegen biñlerce yanacınıñ taqdiridir. İrina Vereşçuk, olarnıñ çoqusını esirlikke alğan Rusiyeniñ cevapkârsız areket tarzını qayd etti.

“Rusiyege iç bir mazeret yoq. O añlamaq kerek ki, Ukrainada yapqanı bütün öldğrmeler içün tolunen ceza alacaq. İşğal etilegn Mariupolda şeerden ketmege istegen amma bunı yapamağan yüzlerce ve yüzlerce musulman bar. Anda suv, sıcaqlıq, elektrik yoq. Ve men arap dünyasını, rus işğalcileriniñ silâsından zarar körgen öz dindeşlerini qorçalamağa çağıram!” – dep VEreşçuk halqara seyircilerge muracaat etti.

Aynı zamanda Vitse-baş nazir İsrailniñ reberligine sual berdi – dünya içün Rusiyeniñ keçenlerde yapqanı cinayetine dair bu devletniñ resmiy cevabı pek müimdir: rus uçaq ücümleri Kıyıvdeki Babın Yarnı ateşke tutuldı. Anda Ğolokostnıñ yüzlerce qurbanları ebediy raatlıq taptılar.