Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, mart ayınıñ 15-inde gumnaitar koridorlarnıñ işiniñ neticelerini añlattı.

Onıñ sözlerine köre, tasdıqlanğan 9 gumanitar koridordan tek 7 işledi. Olarnıñ vastasınen bloklanğan şeerlerden umumen 28 893 kişi qurtara bildik.

Dontesk vilâyeti.

Mariupoldan koridor vastasınen tahminen 20 biñ kişi qurtarıldı. Bu şeerden Berdânsk,Manğuş ve başqa meskün yerler boyunca Zaporijjâ yönelişine 4 biñden ziyade şahsiy maşna çıqtı, 570-i endi Zaporijjâ şeerindedir. Başqaları ise gecelemek içün Berdânskta ve başqa meskün yerlerde qaldılar. Bu eki şeerde tahliye etilgen kişilerge yardım berilir.

«Şimdi rus KHVnıñ Mariupoldan gumanitar koridor vastasınen ketken insanlarnı ücüm etkenine diqqat ayırmağa isteyim. Propagandacılar, kamera ögünde “Azov” polkunıñ şeerinden tınç yaşağan sakinlerine yol bermegenini söylemege talap eteler. RFnıñ toqtamağan ateşleri ve uçaq ücümleri sebebinden sıcaqlıqsız, suvsuz ve aşsız sığanaqlarda sağ qalmağa tırışqan Mariupollılarğa raatlıq bermek yerine, olar başqa bir feyk çekeler», – dep İrina Vereşçuk qayd etti.

Sumı vilâyeti.

Umumen 8 533 kişi tahliye etildi. Bu cümleden, Sumı şeerinden 6 950 kişi, Trostânets şeerinden 140, Lebedınadan 113, Şostkadan 166, Konotop şeerinden 1084 kişi tahliye etildi.

Harkiv vilâyeti.

Oskil ruhiyat-nevrologiya internatından 320 kişi tahliye etildi.

Nazir qayd etti ki, añlaşmalarğa baqmadan, Berdânsk şeerinde Mariupoldan insanlarnıñ, bu cümleden Türkiye ve Yunanistan vatandaşlarınıñ, tahliyesi içün avtobuslar nen gumanitar konvoy alâ daa bloklanğandır.

Aynı zamanda işğal orduları tarafından tınç rejimini muntazam bozmalar, daa bir kere insnalarnı Kıyıv vilâyetindeki Boğdanivka, Nova Boğdanivka ve Bobrık köylerinden tahliye etmege imkân bermedi.

İrina Vereşçuk, işğalcilerniñ ukrain tınç yaşağan ealisine dair nevbetiy terror areketlerini de añlattı. Şimdi Mariupol vilayeti intensiv tedaviy hastahanesinden tahminen 400 kişini esirlikte qanunsız olaraq tutalar.

«Ve Rusiyeniñ ukrain halqına qarşı daa bir terror aktı… Bugün işğalciler Mariupoldaki intensiv tedaviy vilâyet hastahanesiniñ yañıdan yerleştirilmesini bozdılar, bu ise deyerlik 400 kişidir. Olarnı reine olaraq tutalar. Men daa bir kere halqara cemaatqa muracaat etem: Mariupolda ne olğanını körüñiz ve eşitiñiz. Rusiye – terrorcı bir devlettir, ve biz bunı tanımalarını talap etemiz! Halqara cemaat ise reinelerni azat etmek içün öz quvetlerini kontsentratsiya etmeli», – dep qayd etti.

Yarın Mariupol içün gumanitar koridor üzerinde iş, em de İzüm şeerinden insanlarnıñ tahliyesi devam etecek.

Kıyıv vilâyetinde 24 saat soqaqqa çıqma yasağı sebebinden, yarın anda tahliye yapılmaycaq.