ICTV telekanalınıñ canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk gumanitar koridorlarnen şimdiki vaziyetni añlattı.
O deral qayd etti ki, bugün, yazıq ki, Lugansk vilâyetinde telükesizlik koridorlarını teşkil etemedik, amma soñ eki kün içinde anda olar pek semereli tarzda işley edi.
Şimdi Mariupolnen balaban bir mesele bar. Ukrain gumanitar konvoyı bu şeerge ketelmey ve alâ daa Berdânsk rayonında bulunmaqtadır.
“Dört kündir ketemegenimiz şu 84 kilomert alâ daa ögümizdedir. Tünevin telükesiz bir yerge kete bilgen sakinlerniñ deyerlik 150 maşnasından ibaret olğan Mariupoldan çıquvnıñ bugünki pozitiv devamı bar. Saba sakinlernen bir qaç maşna da bloklanğan şeerden ketmege başladı”, – dep memur qayd etti.
Faqat İrina Vereşçuknıñ fikrince bu, vaziyetni temelli tarzda deñişmey. Er bir mariupollınıñ şahsiy naqliyatı ve öz başına şeerden ketmek imkânı yoq. Tamam bunıñ içün tahliye etmege istegen er keske merkeziy tarzda yardım etmek maqsadınen ukrain tarafı böyle israrnen avtobuslarnen ketmege tırışa.
Kıyıv civarınıñ eñ sıcaq yerlerinden tahliye aqqında laş olsa, tınç yaşağan sakinlerni qurtarmaq içün telükesiz bir yol teşkil etmeniñ mümkün olmağanı İvankivdan yöneliş eñ büyük mesele qala, dep Reintegratsiya nazirliginiñ reberi haberdar etti.
“İnsanlar bizden olarnı çıqarmamıznı isteyler, allarını bilemiz ve mümkün olğan er şey yapamız. Bugün Brovarı yönelişi de olduqça yaramay çalışa. Az-az – 10-20 avtobus – kete-kete yapmaq mümkündir. Amma bu kerçek bir iş olmay”,- dep İrina Vereşçuk paytaht yanındaki şimdiki vaziyetni qıymetlendire.
Şimdi ukrain tarafı ateş bitirme rejimine tamamınen riayet ete, ve Qırmızı Haçnıñ Halqara eyyetinde bunı bileler. Rusiye ise tsinik ve muntazam tarzda yalan söylemekte ve dünyanıñ bunı körmegenini tüşünerek añlaşmalarnı bozmaqtadır.
İrina Vereşçuk, ukrain Qırmızı Haçnıñ rolüni pozitiv olaraq qayd etti. Olarnıñ işçileri bizim varandaşlarımız, vatanperverler, kerçek işke azır olğanlardır. Olar sıq öz maşnasında sutunlarnıñ başında turalar. QHHE ise şekliy bir aracı olmağa qalmağa tırışa, amma bunı er vaqıt muvafaqiyetnen yapalmaylar.
“Ruslarnıñ nazar noqtası ise vahşiydir. Tüşüngenime köre, 2014 senesiniñ şablonlarından çıqmağanlardır. Milletçi batalyonları, yaqın da olmağan bazo tüşünip çıqarılğan canavarlıqlarnı añlatalar. Bizim ordularımıznıñ batalyonlar alında qayda yerleşkenlerini açıq-aydın bilemiz, ve er bir kilometr içün ayrı olaraq añlaşmağa azırmız. Belki Rusiye kontroli ğayıp ete ve qarada oriyentatsiyasızlıq merkeziy seviyege de keçti. Vaziyetni añlamayaraq, Menlik inqilâbı adiselerinden alâ daa qalğan temniklerni alıntılaylar”, – dep bu devletniñ, devletimizniñ toprağında yaratqanı gumanitar buhrannı çezüvdeki Rusiyeniñ distruktiv rolüne dair öz naza noqtasını bildire.