burger

«Ruslar Mariupolğa bir koridor açsa ediler, endi 100 biñden ziyade Mariupolı keter edi», – İrina Vereşçuk

Опубліковано 17 March 2022 року, о 15:23

“Radio Svoboda”nıñ aqşam canlı yayınında Vitse baş nazir – Ukrainanıñ vaqtınca işğal etilgen topraqlarınıñ reintegratsiya meseleleri naziri İrina Vereşçuk, anons etilgen gumanitar koridorlarınıñ bugün nasıl çalışqanını añlattı. Yazıq ki, olar yañıdan qısmen işlediler.

Bu cümleden, Kıyıv vilâyetinde tahliye keçirildi.

Faqat aynı zamanda Mariupol belâğa oğradı.

Şu anda ruslar, tek yengil maşnalarğa yol bereler. İmkânı olğanı insanlar, Manğuşqa ya da Berdânskqa yetmek içün bu ceennemden onlarca kilometr yürüyerek ketmege mecburlar.

Tamam anda, tesbit etilgen yerlerde, benzin maşnaları yengil maşnlarğa benzin qoymaq ve olarnıñ ketmege devma ete bilmeleri içün olarnı bekley edi. Ya da insanlarnı Zaporijjâğa ketirgen avtobuslar bekley edi.

Harkiv vilâyetinde küreşler, koridorlarnıñ işi içün mania oldı – tahliye keçirilmedi.

İrina Vereşçuk qayd etti ki, kerek olsa, eger askerlerimiz, muayyen bölgelerge dair ücüm areketlerini planlaştırğan duşmannıñ arbiy meramınıñ istiqbalini körseler, akimiyet em de preventiv tahliye qullanacaq.

– Askerlerimiz bizge mesleat bereler, ne yerge ketkenimizni, ne yerge azıq mahsulatını ketirmek, ve ne yerden insanlarnı acele tarzda tahliye etmek kereligimizni bilemiz. Elbette, duşman yaman niyetli ve tsinik ve bazıda planlarımıznı esaplay. O zaman grajdan ealige añ ağır acı bermege tırışaraq tamam o yerde gumanitar koridorlarnı açmağa izin bermey, – Reintegratsiya nazirliginiñ reberi dep mümkün olğan preventiv tedbirlerni tefsir ete.

Gumanitar koridorlarnı açmadan evel tehnikiy inceliklerini añlattı: er şey pek qıyın ola.

– Misal içün, Mariupolğa koridornı kelişmege istesek, arbiy memuriyetniñ başınen ve askerlernen marşrutnı azırlap tasdıqlaymız. Bundan soñ kerekli mekteplerni Qırmızı Haçnıñ Halqara eyyetiniñ vekilligine yollaymız, o ise rus tarafına yollay. Amma koridornıñ bu kğn çalışacağı kerçegi olmay. Bazıda bizge ateş bitirme rejimi aqqında söz berile edi, biz insanlarnı haberdar ete ediler, faqat toplama noqtaları ateşke tutula edi. O tarafnıñ yaman niyetliligini añlayaraq, biz yañıdan BMTna ve QHHEne muracaat etemiz ve daa bir kere kelecek kün içün koridor teşkil etmege tırışamız, – memur dep tehliyeni teşkil etmesi aqqında aytışmalarnıñ tafsilâtını ilk kere añlattı.

İrina Vereşçuk emin: Kremldeki siyasiy reberlik, çoq zarar körgen Mariupolnı yernen bir etmege yañlış qarar berdi. O, bunı sakinleriniñ genotsidi olaraq körüne. Ruslar Mariupolda kibi iç bir şeerde özüni böyle tutmaylar. İç bir yerde mında kibi gumanitar korideorlarnı bloklamadılar.

  • Er şey qolay – ruslar Mariupolğa eksiksiz koridornı açmağa istemeyler, – Vereşçuk dep emindir. – Çünki Sumı yönlişinde olğanı kibi istese ediler, o yerden 100 biñden Mariupollı keter edi. Toplama yerlerine ve avtobuslarğa rus uçaq ücümleri ise bu şeerni viran etmege istegenlerini köstere.